影片
更多
2023-04-27
19 浏览
茶居楼底高，空间感宽敞，环境舒适，设有梳化位，而且仲有落地玻璃，店内采光度十足。晚市除咗点心选择，仲有小菜、套餐、养生炖汤同甜品等等。晚市小菜套餐：一人云吞鸡(例)跟白饭、绿豆沙 ($88)味道唔错，一人份量黎讲都好足料，有好几粒云吞同大大件鸡。附送既绿豆煲到起晒沙，有豆香味得黎又唔会太甜同水汪汪。豉椒沙白蚬 ($108)大大碟，蚬肉爽口弹牙又惹味，捞埋豉椒汁配饭一流。火龙果咕噜肉 ($98)咕噜肉外脆内软，酸酸甜甜，特别选用火龙果代替菠萝，层次感丰富。点心系即叫即蒸月满晶莹虾饺皇(2粒) $22虾饺两大粒，皮薄，满满既虾肉，味道鲜甜不俗。黑松露北菇烧卖皇(2粒) $22必食之一，虾同猪肉比例刚刚好，食落非常弹牙，加上北菇同黑松露，味道更浓更好味。总括黎讲，海湾茶居食物选择多，全日都有点心，而且价钱经济实惠，系得闲饮茶食小菜既好地方。
晚市小菜套餐：一人云吞鸡(例)跟白饭、绿豆沙 ($88)
味道唔错，一人份量黎讲都好足料，有好几粒云吞同大大件鸡。附送既绿豆煲到起晒沙，有豆香味得黎又唔会太甜同水汪汪。
豉椒沙白蚬 ($108)大大碟，蚬肉爽口弹牙又惹味，捞埋豉椒汁配饭一流。
火龙果咕噜肉 ($98)
咕噜肉外脆内软，酸酸甜甜，特别选用火龙果代替菠萝，层次感丰富。
点心系即叫即蒸月满晶莹虾饺皇(2粒) $22
虾饺两大粒，皮薄，满满既虾肉，味道鲜甜不俗。
黑松露北菇烧卖皇(2粒) $22
必食之一，虾同猪肉比例刚刚好，食落非常弹牙，加上北菇同黑松露，味道更浓更好味。
总括黎讲，海湾茶居食物选择多，全日都有点心，而且价钱经济实惠，系得闲饮茶食小菜既好地方。
张贴
