影片
更多
2016-08-17
5517 浏览
因为机缘之下认识咗店主，同佢倾饮食、做菜、整甜品都好啱咀形，所以，佢久唔久出咗新产品都会话声我知，遇正啱心水嘅出品都会过嚟支持吓，俾俾个人愚见。其实，店内已有卖好几款甜点，如心太软、窝夫，听佢讲想专攻多少少蛋糕类甜点，最近就新出咗几款卷蛋 ，所以，同亲友过嚟试试。本应嚟净食甜点当下午茶都喺唔错嘅安排，不过，索性早少少，加点轻食当正餐。近门口位设置两组蓝色丝绒大梳化位，喺迤住饮嘢、倾偈嘅最佳位置，又可以细看街上百态。不过，食嘢就有少少唔太就手，所以，我就钟意坐餐枱位。一派轻松咖啡室格局，让人感觉悠闲。讲到啲餐枱位，最理想喺最入面𠮶一排，因为，相对少人来人往，骚扰都变得少啲。翻一翻餐牌，印象比以前多嘢咗，小食、沙律、全日早餐、汉堡、特色面包、肉类、意粉、意大利饭、窝夫、甜品及各款饮品，故此，都影出嚟俾大家有个参考。就连平时晌韩式炸鸡店一定见到嘅Somersby特饮，竟然晌度都揾到。 蜂蜜牛油果香蕉奇异果特饮 $52 入口感觉几甜润清新，咁多款生果，就肯定够晒健康，味道上，以香蕉味较为特出。打得好绵滑，唔会饮到半粒碎冰，可能加入牛油果关系，又配上香蕉，与其叫沙冰，其实饮落口感真喺有啲
本应嚟净食甜点当下午茶都喺唔错嘅安排，不过，索性早少少，加点轻食当正餐。近门口位设置两组蓝色丝绒大梳化位，喺迤住饮嘢、倾偈嘅最佳位置，又可以细看街上百态。
不过，食嘢就有少少唔太就手，所以，我就钟意坐餐枱位。一派轻松咖啡室格局，让人感觉悠闲。
讲到啲餐枱位，最理想喺最入面𠮶一排，因为，相对少人来人往，骚扰都变得少啲。
翻一翻餐牌，印象比以前多嘢咗，小食、沙律、全日早餐、汉堡、特色面包、肉类、意粉、意大利饭、窝夫、甜品及各款饮品，故此，都影出嚟俾大家有个参考。
就连平时晌韩式炸鸡店一定见到嘅Somersby特饮，竟然晌度都揾到。
蜂蜜牛油果香蕉奇异果特饮 $52 入口感觉几甜润清新，咁多款生果，就肯定够晒健康，味道上，以香蕉味较为特出。打得好绵滑，唔会饮到半粒碎冰，可能加入牛油果关系，又配上香蕉，与其叫沙冰，其实饮落口感真喺有啲似奶昔。
蓝莓乳酪沙冰 $43 虽然无亲身试，但亲友话唔错，蓝莓味好强，加入乳酪，带点酸酸爽爽，不过，沙冰面嘅忌廉虽然令卖相好睇好多，但可以唧番少啲感觉就无咁肥，心理上好过啲。
鲜奶咖啡 $33 依度啲鲜奶咖啡真喺唔使多讲多介绍，水准由卖相，到冲泡嘅技巧，以及入口嘅口感，都喺高质素嘅出品。
焗芝士烟肉大啡菇水煮蛋配薯条 $75 轻食点咗两款店方推介，先试试个大啡菇配水煮蛋，件大啡菇厚肉而充满菇汁，衬埋芝士同烟肉，令味道更香。不过，要挑剔少少，喺烟肉可以切得幼身啲，口感更好，水煮蛋亦有少少煮过火，蛋黄未有流心嘅效果，只喺仍有绵柔嘅状态。
泰式辣母生菜包 $92 估唔到晌度都有啲泰式嘢出现，不过，生菜用上长形嘅罗马生菜，先搽上泰式酸辣酱，再放上大量猪肉碎，入口非常惹味，生菜极为爽脆。个人嚟讲，觉得加多少少白菌碎落猪肉度，口感更有唔同层次。
讲明有新嘅产品「卷蛋」推出，饭后甜点就梗要试啦，不过，新出嘅4款卷蛋，其中两款卖晒，所以，我哋又加多一件芝士蛋糕。
宇治抹茶卷蛋 $33一身墨绿一睇就知喺宇治抹茶，佢哋所做嘅卷蛋有别平常晌连锁饼店见到𠮶啲，中间嘅忌廉馅心特别多，占满卷蛋嘅中心位。而卖相，件宇治抹茶卷蛋做得算唔错，面面仲加咗一层唧花及撒上抹茶粉，入口啲抹茶忌廉好幼滑，充满抹茶嘅甘味，但喺抹茶蛋糕底就失望少少，入口较为干身。
明治3.6牛乳卷蛋 $36 相反，件牛乳卷蛋卖相就差少少，以竹碳做嘅乳牛斑纹未够平滑，但味道几掂，牛乳蛋糕底做得软绵清香，中间嘅芝士忌廉馅浓郁且软滑，正！
法式忌廉芝士蛋糕 $42 外观做得有水准，而做法有啲似纽约芝士饼，但喺就无用消化饼底，而喺直接原个芝士焗，所以，可以见到饼底跟芝士馅喺连埋一齐，而啲芝士馅极之香浓，挺实又唔会好死；面层嘅酸忌廉明显喺加咗柠檬汁，所以，嗒落酸香且带有清新嘅柠檬味，亦可以平衡吓芝士嘅浓味 。
店家仲搞咗个晌FB嘅美食相片分享活动，每个月选出头、二、三奖，奖品喺现金券$300、$200、$100 ，横掂都有影，就梗喺参加搏吓啦，望中咗$300免费食多餐 ！
虽然，今次嘅目标喺试卷蛋，但两款轻食都唔错，不过，有啲瑕疵位，有改善空间。而新出品方面，对比两件卷蛋，发觉外型唔一致，即喺卷起馅心时嘅份量，以至收尾部份，以及海绵蛋糕嘅绵密同松软度，可见水准嘅稳定性可能喺较弱嘅一环。故此，相信再改善吓、调校吓，卷土重来嘅卷蛋一定做得更有水准 ！
张贴
