古今二 (觀塘工業中心)

营业中

休息中

一直都好想试古今二，今日嚟开观塘攞货，顺便就去位于观塘工业中心嘅分店买外卖。前菜当然要食番个沙律，呢个日式麻酱秋葵豆腐沙律菜够新鲜，用料好味又健康。佢哋嘅卷物出名有特色，呢个彩虹卷就系用上三款唔同刺身加牛油果包裹住外层，色彩非常斑斓。而卷物入面就有青瓜同蟹柳。忘不了你系用芒果包住卷物，再唧上Wasabi沙律酱。入面就卷住炸牛肉同芝士，口感丰富味道亦好夹。茄子一向系我嘅至爱，所以就拣咗呢个樱花虾茄子烧。酱烧嘅茄子上面铺上大量樱花虾，茄子肉好滑而樱花虾就好香，呢个配搭真系冇得弹！心思思想食串烧，浅尝一串秘制蒜香牛油烧帆立贝奖励吓自己，帆立贝充满着牛油蒜香味，非常惹味。最后仲拣咗个日式炒乌冬，入面嘅材料非常丰富。除咗有大量蔬菜，仲有我特别钟意嘅豚肉同名门卷，小朋友就最钟意食。