印尼餐廳1968 (已搬遷) 新店位置

中上环除左cafe外仲有好多特色良心店可以拣，之前食过呢间印尼餐厅嘅lunch set觉得几好，假日再访试佢地嘅招牌菜式，餐厅嘅布置好有异国风情，听讲系以峇里岛为主题，座位阔落，而且餐厅创办人真系黎自印尼，够晒正宗。虽然部分店员姐姐系外地人，但啲广东话都好好仲好健谈。🍽薯仔牛肉饼薯饼一客三件，新鲜炸起，外皮非常酥脆，内馅料嘅薯蓉幼滑，配一个少少辣嘅酱汁，但唔点酱都够味。🍽印尼炒饭呢个炒饭好有水准，粒粒布满油光，以秘制辣椒酱、葱头同虾肉炒成，加埋蛋汁一流，沙嗲浓郁有花生香，肉质唔鞋，不过块虾饼就有啲淋。🍽龙虾椰汁喇沙喇沙系米粉同油面掺掺，配鱼片同豆卜，好香椰汁味，但整体较稀同淡，亦唔够辣，龙虾原只裹上粉浆炸，但炸得耐左少少以致肉质较干，呢款麻麻地。🍽酱烧牛舌（小）牛舌好厚肉，完全唔韧，酱汁浓厚，似日式烧汁咁甜甜地，屋企人好钟意。🍽巴东牛肉（大）呢款应该系餐厅嘅招牌菜，牛肉焖到好淋，轻轻一咬就可将肉撕开，个汁好重香料味，辣得过瘾，最啱用黎送饭，推荐！🍹菠萝沙冰用新鲜菠萝打到杰身起泡，食到少少菠萝肉，所以价钱都相对较贵。P.S. 食物好有水准，仲系良心店，可以encore！