Three Sixty (已結業)

见近日天气开始有秋意, 中午食lunch 就无咁怕, 可以行远d 食, 一行五人去到landmark ThreeSixty 楼上的food court, 好快就揾到张圆台, 可能系因为时间尚早. 我见到间日本拉面都几多人排队, 而我一向对拉面都情有独钟, 就试左碗猪骨汤叉烧拉面, 等攞面时, 都有好多人系到等外卖. 碗面的卖相都算ok, 有块大大的紫菜, 要趁未霖晒就要快d 食, 仲有有好多我钟意的粟米粒, 佢d 叉烧绝对系厚切, 平时去食叉烧拉面, 一碗净系得个几块超薄叉烧, 呢碗的叉烧份量好慷慨, 大大块, 有像烧味的红叉烧, 都有日式拉面常见的白叉烧, 各样有约3块. 但系令人失望的系d面, d面太硬, 好似有唔够熟的感觉, 同埋食落去比较似幼黄面多过拉面, 食落去好rough, 厚切叉烧都祢补不了拉面的不足……同事叫的喇沙看上去就好吸引, 汤色好似正宗喇沙, d 料好足, 有好多鸡丝, 豆腐pok, 芽菜, 虾, 下次一定要试下!