馬六

营业中

休息中

参观完香港电影资料馆,系附近呢间马六食午餐。正值lunch time,都要等一等先有位。店舖唔算大,但都几干净企理。午餐介乎六十几至八十几,包埋饮品,都算抵食。点咗碗厚切猪扒喇沙掺掺+杯热饮$68,唔使加一。热饮叫咗杯红枣菊花茶,有红枣嘅微甜同花香,都唔错。如果加个杯盖焗一焗,味道应该更浓些😜。碗面份量都唔少,汤底微辣中带椰香。半个糖心蛋嫩滑,大大块猪扒几入味。一碗面满足两种口感,油面光滑唔黏口,米线爽口。