Isaac Toast (新城市廣場三期) (已結業)

韩国出名的吐司 「国民吐司 Isaac Toast 」终于系香港有得食，今日专登到沙田 新城市广场第三期 试下，好好彩 平日的下午 唔洗点排队 如果系星期六日，应该都要等吓位！ 因为尼到系即叫即整，所以都要叫完餐，预返15-20分钟等候先有热辣辣的食物！ 新鲜即整当然唔介意等啦🤣本身今日想食超级虾吐司，可惜卖哂 就试左2个人气吐司《热溶芝士超级吐司 》$64烟肉，牛油果，酸萝卜，车打芝士，忌廉芝士！睇个𩠌都知这个抵食呀，虽然有两种芝士，但系一啲都唔「溜」！《超级吐司2.0 》$69这个超级厚，啖啖肉，每一啖都好大啖，好有口感！因为有椰菜丝，酸瓜，薯饼，素肉，蕃茄，配菜等！烧烤酱加甜酸酱令到味道更加香口，素肉食落去嘅口感同真肉差不多！加分！《特浓朱古力》$30《士多啤梨奶昔》$41 士多啤梨奶昔要赞，味道足，浓浓嘅士多啤梨奶味，够滑，但唔会太甜！