蘭香茶餐廳 (已搬遷) 新店位置

系朋友介绍我黎呢到食嫁, 它位于嘉乐冰室隔离。每次见到嘉乐都是大排长龙的, 每次都唔想排, 所以宜家仲未有机会食, 而再行多几步, 就系兰香茶餐厅, 朋友食过话gd,所以就去试下。但兰香都要等4,5张台, 不过一定快过嘉乐, 最后等左5分钟姐。呢d 旧左茶餐厅坐位一定系比较迫, 2个人坐埋一齐, 成日都会撞到的。如果隔离个个系肥既都唔知点坐呀! 2个人叫左一个抵食午餐, 一个健康餐, $26抵食午餐有: 牛油多士, 火腿煎双蛋, x烧烩意粉, 一杯野饮。健康餐: 鲜油多士, 2只鸡翼拼一块猪扒, 一杯野饮。个到d 多士好正嫁, 系厚切嫁, 烘得岩岩好, 鲜油多仲正, 有2块鲜牛油夹住黎食, 个刻都唔理个"肥"字呀!鸡翼拼猪扒系朋友介绍, 上次睇朋友d 相块猪扒系大块d 嫁, 但今次我呢块就好细, 不过唔明点解系健康餐啰, 全肉黎嫁哦!x烧烩意粉, 睇个样就普普通通, 食落d 味都ok哦, 好鲜茄味。呢到d waiter落单唔洗写嫁, 用脑记嫁咋, 但个阿姐成日拎住碗野问边个，唔记得好心就写单啦。呢到d 人全部快食快走嫁, 所以要同朋友倾计既话就唔好黎呢到啦。