光榮冰室 (厚福街) (已結業)

尖沙咀厚福街食肆临立，经过疫情洗礼，好多餐厅结业，亦有部分街铺重新树立新招牌。事过境迁，「光荣冰室」仍然屹立，午餐时分餐厅门外仍然人头涌涌。平日中午时间到达餐厅，等候嘅时间比想像中少，门口嘅人多数等紧外卖，所以好快入座。店舖面积唔大，大概有30个座位，装修光猛。餐厅供应常餐、三文治多士、饭类意粉等常见品种；全日快餐有6款选择，定价$48，仲有嘢饮添，冻饮仲唔使加钱，现今香港少见 😮疫情期间，餐厅推出三款外卖优惠饭盒，今日选择有：蕃茄炒蛋饭、粟米肉粒饭，同埋太阳蛋鸡中翼饭，$30-$35不等，性价比高 👍平时食开「开心浩园餐」，个名好特别呢 😏 即系招牌「葱油鸡扒饭」，加三只脆边太阳蛋，两样有齐最开心 🤤 由于今朝早餐食咗双蛋，午餐唔食蛋lu~怕胆固醇过高 🙊「葱油鸡扒饭，多葱油，走色啊，唔该！」=========================◊ 葱油鸡扒饭 $48 鸡扒一个字，正！鸡扒好似碟咁大块，鸡皮金黄色，煎得啱啱好，肉质嫩滑 juicy，切开时仲有肉汁流出～将葱油拌入碟中白饭，辛香嘅葱花、清爽辛辣嘅姜蓉，咸咸香香好送饭，对于热爱姜蓉嘅人嚟讲，姜蓉先系主角！😂==========