影片
更多
2022-11-25
64 浏览
今日去厚福街打边炉，谂住试吓佢哋个花胶鸡汤。个鸡汤$308 ，非常足料，有好多鸡同埋沙滘，仲有只大鸡髀！侍应提我哋要先饮鸡汤，之后先至落打边炉嘅生料，因为落咗了之后个汤就冇咁好味。个汤非常之浓味，花胶同鸡都好入味😋啲鸡又好滑好大嚿，朋友都话好足料。我哋另外嗌咗乌冬、金菇、饺子同丸，两个人都唔系好食得晒，因为冇谂过汤底已经咁多料。个贡丸都几好食，够弹牙。本身见佢40几蚊都觉得有啲贵，不过系好食嘅！乌冬都好大个，又好滑，夹埋啲汤真系一流！同埋呢间舖好得意，一开始侍应就会捧一大盘酱料去你面前，俾你任拣同捞自己嘅打边炉汁，都几正😋有花生、蒜、葱、辣椒等，朋友话辣椒都好够味几好食，所以食得辣嘅朋友都不妨试下～
$308
4 浏览
0 赞好
0 留言
张贴
