影片
更多
2016-11-07
181 浏览
（不是试食，有疑问可向餐厅查询）H8 开左好多新餐厅，而12楼呢间口啤唔错所以今晚上去试试～7点上到去见已经半满，而且有几张「留枱」，好彩我地早去仲有位比我地～佢地门口位置有bar枱，客人可以去出试酒～ 佢地既手工啤酒价钱都系$68-78，$108仲有2支！真系好抵！而且我觉得几好饮，易入口选择又多～～ 我地直接点左个<Dinner Set for 2>$588+10%~~<头盘> 都有3样！烟三文鱼香芒汁配罗文菜沙律 ：-呢个沙律有惊喜！以为系一般沙律酱汁，但原来芒果味浓唔杰身，配上罗文菜十分之新清开胃！三文鱼油脂味香～意大利红茄酱煮纽西兰鲜青口 & 香煎法国鹅肝多士：-鹅肝厚身煎得好香，咬开有脂味，肝味浓，正好配合多士一齐食。-青口够大只，并唔似一般既青口煮完缩水。红茄酱正好作个调味，令青口更惹味，亦令底部既薯泥味道唔会甘单调。<餐汤>意大利素汤（无肉）跟面包条~多菜带微辣，刺激味蕾。<主菜1>选择左半只波士顿龙虾意大利野菌忌廉饭：-龙虾大只似多，而且虾籽亦唔少，令整体龙虾味而浓。龙虾肉鲜甜弹牙，未完成整个晚餐已很满足
H8 开左好多新餐厅，而12楼呢间口啤唔错所以今晚上去试试～
7点上到去见已经半满，而且有几张「留枱」，好彩我地早去仲有位比我地～
佢地门口位置有bar枱，客人可以去出试酒～ 佢地既手工啤酒价钱都系$68-78，$108仲有2支！真系好抵！而且我觉得几好饮，易入口选择又多～～
我地直接点左个<Dinner Set for 2>$588+10%~~<头盘> 都有3样！
烟三文鱼香芒汁配罗文菜沙律 ：-呢个沙律有惊喜！以为系一般沙律酱汁，但原来芒果味浓唔杰身，配上罗文菜十分之新清开胃！三文鱼油脂味香～
意大利红茄酱煮纽西兰鲜青口 & 香煎法国鹅肝多士：-鹅肝厚身煎得好香，咬开有脂味，肝味浓，正好配合多士一齐食。
-青口够大只，并唔似一般既青口煮完缩水。红茄酱正好作个调味，令青口更惹味，亦令底部既薯泥味道唔会甘单调。
<餐汤>意大利素汤（无肉）跟面包条~多菜带微辣，刺激味蕾。
<主菜1>选择左半只波士顿龙虾意大利野菌忌廉饭：
-龙虾大只似多，而且虾籽亦唔少，令整体龙虾味而浓。龙虾肉鲜甜弹牙，未完成整个晚餐已很满足。忌廉饭唔腻，味道亦唔好会浓抢左龙虾既美味；意大利饭软硬适中，
<主菜2>纽西兰肉眼扒配牛肝菌汁：
-牛扒5成熟，我觉得唔使点汁都够肉味，而且稔身唔带筋，水汁唔错！
<甜品>沙巴翁酱（貌似雪糕，但不是雪糕）- 口感细滑，唔会太甜，好容易就食晒整粒～我觉得此甜品比雪糕更好食！
最后叫埋杯餐茶，完满的一餐～～*有加一*
服务：十分有礼，服务亦就到，会主动帮客人换碟、添水。
张贴
