影片
更多
2021-07-03
1802 浏览
午市成人放题($198)讲起放题一向食开大喜屋，全因水准稳定选择又多，亦无hold单漏单。午市同晚市一样食物种类，晏昼食放题绝对唔过份🤪但价钱就更超值😙✅蒲烧鳗鱼串。厚肉！肥美！少骨！🤩嗌左好多次😜平时食个鳗鱼丼都一百蚊，任食认真性价比好高✅雪花牛肉锅。类似寿喜烧嘅甜豉油汤底，够热辣辣👍🏻材料好丰富，有生鸡蛋、牛肉、粉丝、豆腐、金菇、青菜🥬入哂味☺️✅刺生。选择多，新鲜而且摆盘用心😋除左一般三文鱼、甜虾、北寄贝、油甘鱼、希灵鱼、八瓜鱼之外😍仲有比较矜贵嘅松叶蟹脚、象拔蚌、赤贝😎大爱赤海虾肉质爽口✅寿司。唔似其他舖头，用饭塞包你，呢度嘅寿司饭比较迷你有良心🙂推荐拖罗、左口鱼寿司✅串烧。脆鸡软骨好香口！牛舌软腍，配黑胡椒吊味一流！烧翠玉瓜、烧菠萝两款都够juicy！烧鱼干充满咸香，最啱送酒🥳✅天妇罗。即叫即炸，落完单要等阵，酥脆得嚟唔会好厚粉，食材亦保持到应有嘅湿润👍🏻✅炸物。北海道牛乳炸鲜奶系我最爱❤️香滑奶香配上炸皮，难以抗拒🤤酥炸吉列蚝、拉丝一口芝士、香甜炸香芋丸，全部都有日本料理舖应有嘅水准✅北海道帆立贝。重点之一，带壳大大粒帆立贝焗到黄金色🥰蟹子沙律酱好惹味🤪✅小菜。最大惊喜系黄金虾
讲起放题一向食开大喜屋，全因水准稳定选择又多，亦无hold单漏单。午市同晚市一样食物种类，晏昼食放题绝对唔过份🤪但价钱就更超值😙
✅蒲烧鳗鱼串。厚肉！肥美！少骨！🤩嗌左好多次😜平时食个鳗鱼丼都一百蚊，任食认真性价比好高
✅雪花牛肉锅。类似寿喜烧嘅甜豉油汤底，够热辣辣👍🏻材料好丰富，有生鸡蛋、牛肉、粉丝、豆腐、金菇、青菜🥬入哂味☺️
✅刺生。选择多，新鲜而且摆盘用心😋除左一般三文鱼、甜虾、北寄贝、油甘鱼、希灵鱼、八瓜鱼之外😍仲有比较矜贵嘅松叶蟹脚、象拔蚌、赤贝😎大爱赤海虾肉质爽口
✅寿司。唔似其他舖头，用饭塞包你，呢度嘅寿司饭比较迷你有良心🙂推荐拖罗、左口鱼寿司
✅串烧。脆鸡软骨好香口！牛舌软腍，配黑胡椒吊味一流！烧翠玉瓜、烧菠萝两款都够juicy！烧鱼干充满咸香，最啱送酒🥳
✅天妇罗。即叫即炸，落完单要等阵，酥脆得嚟唔会好厚粉，食材亦保持到应有嘅湿润👍🏻
✅炸物。北海道牛乳炸鲜奶系我最爱❤️香滑奶香配上炸皮，难以抗拒🤤酥炸吉列蚝、拉丝一口芝士、香甜炸香芋丸，全部都有日本料理舖应有嘅水准
✅北海道帆立贝。重点之一，带壳大大粒帆立贝焗到黄金色🥰蟹子沙律酱好惹味🤪
✅小菜。最大惊喜系黄金虾，真心估唔到咸蛋黄酱咁香浓，布满大虾虾身，够哂邪恶🤤一口蒜香牛柳粒，细细粒肉质唔韧带油脂
✅饮品。推介梅酒，罕见椰青水，当然一般罐装、纸包饮品，茶饮，啤酒都一应俱全
✅甜品。以movenpick雪糕🍦完美结束呢餐，牛乳布甸，纽约芝士蛋糕🍰亦可一试
张贴
