Aroma Dessert Cafe (已結業)

话说嚟食甜品之前其实已经啱啱食咗个几丰富嘅晚餐，不过正所谓女人有两个胃（其实我应该同牛一样有四个😂），所以就算几饱，甜品嘅话，点都会塞得落嘅😁。打开 menu，好快就决定咗食咩。鲜杂果厚 Pancake 伴玫瑰花酿酱及云呢拿雪糕，顾名思义，pancake 超厚，外貌有啲似梳乎厘 pancake，可能以前引起过误会，所以店家专登喺 menu 澄清呢个唔系梳乎厘。Pancake 松软有蛋香，玫瑰花酱唔太甜，仲有好香嘅玫瑰味，配搭 pancake 非常 match，相比之下，芒果酱就显得较为普通。比较逊色嘅系云呢拿雪糕，斋睇佢雪白得过份嘅外表都有啲怪异，味道亦非常一般。另外我哋又叫咗特浓朱古力心太软伴云呢拿雪糕，呢个朱古力味浓得黎唔太甜，一切开，入面嘅熔岩标哂出嚟，好治愈😆，亦好好食。同样，𠮶球白雪雪嘅云呢拿雪糕就系失分嘅一环😐。