Gram Cafe & Pancakes (已結業)

6点几经过铜锣湾世贸𠮶个，个肚又少少饿， 又唔想食饭， 见到呢间好森系嘅甜品店，好似好吸引咁。原来系好出名嘅gram pancake , 咁入去坐底啦打开menu 见到每日限量20份嘅pancake, 问一问店员 , 等多一阵就有供应。 咁难得比我遇到，就食呢个啦。等左冇几耐， 3块好厚好香嘅pancake 就到啦， 配埋pancake 上面嘅牛油， 一旁嘅cream 同 糖浆， 即刻令人垂涎三尺。 我好钟意个pancake 配cream , 好似scone 同clotted cream 咁， 要一齐食先食得出有几正。 个cream 嘅牛奶香配埋pancake 嘅蛋香， 一流呀。而且个pancake 唔太甜， 食落一啲都唔漏。 至于个糖浆， 我试左少少， 好香嘅枫糖味。 不过我唔钟意太甜， 所以我多数都会配cream 食。仲有个环境都好relaxing, 好舒服。