方叔叔重慶老火鍋 (如心廣場一期)

营业中

休息中

之前食过几次渝味晓宇，都好中意食。直至早一个星期行过如心广场见到「方叔叔」啲广告，以为有新开既重庆火锅店，即刻约左几位朋友去试下，去到先知原来只系餐厅改名，所有装修格局维持原状🤠。 我地一行4人，经OpenRice Book枱，所以去到餐厅即刻有位唔洗等。之后一如既往，一坐底会每人送上一碗糖水，我地再用手机scan QR code疯狂落单😎。 比较令我印象深刻既就系以下呢几款食物，包括美国牛小排同嫩牛肉，两款都系我至爱，牛肉味重，重点系够淋；而牛舌转左新口味变左藤淑牛舌，店员整极力推介之下叫左黎试下，相比起以前既牛舌，的确腌制过系入味好多；至于牛打四宝丸同手打虾滑都系必叫项目，口感算弹牙。仲有叫左一堆配菜，都不过不失，无complain。食完主菜，就一定会叫返碟红糖糍粑，点一点黄豆粉再放入口，口感烟烟韧韧，个味道好衬好好味，重点系唔系到到有得食，所以帮衬左几次都叫足咁多次🤣，一样有水准。 最后，要值得一提既系佢地既service做得好好，由带位到送餐到埋单都好有礼貌👍🏻，手机落单后好快就送上枱，而且环境亦坐得舒适，岩晒我地几个朋友聚旧吹水。