冬蔭牛牛

营业中

休息中

谂咗好耐去边度食，友人介绍嚟天空之城，呢度有唔少食肆。真系唔讲唔知，原来呢个偏僻地方隐藏住好几间餐厅，食评仲唔错㖭，特别似呢间泰国菜嘅，第一次嚟，就试下。呢度虽然系村屋范围内，但原来都有两层，呢晚都几旺场，楼下满座，我吔坐楼上，要落单相对麻烦，要抓紧每次有伙计上嚟嘅机会。食泰国菜我吔必叫生虾刺身，份量唔少，够新鲜同爽口，个汁仲好似系自家制咁，好特别，下面有包冰保温，不过就好似唔太够冻，要快啲食完。冬阴公汤亦都好足料，酸同辣嘅程度啱刚刚好，唔会好似好多其他泰国菜馆咁只似辣。仲有秀珍菇同两只虾。饮到最后见到有唔少辣椒同香料，真似好足料。呢度啲海鲜都算抵食，我吔就拣个炒蚬试下佢嘅手势先，一睇就觉得好惹味，食落又真系好好味，蚬又够大只，咁多只都系有肉嘅，唔系得啲壳。虽然有啲大辣椒，但实际上只似少许辣。赞!!!!我吔冇叫炒菜，但就拣咗个海鲜粉丝沙律，呢个可以话系唯一一个有啲失望嘅，海鲜嘅份量同味道都适中，但粉丝就太多，占咗全碟嘅大比数，菜亦只得垫底嘅两条，似系食粉丝为主，唔似沙律，本来谂住系食点菜嘅我就真系唔太Like喇。最后再叫咗两串沙嗲鸡串，伴有沙嗲酱，但我吔就觉得唔加酱都已经好够味同够辣。