娘惹嫁到 (已結業)

香港食喇沙嘅餐厅，不过出边味道间间都差唔多，可能酱料都系用同一个供应商，冇乜边间有特色，直至试到呢间娘惹喇沙，食得出汤底用咗好多不同种类嘅香料，味道特别得来又惹味。配料有鲜虾两大只，好细心剥咗中间嘅壳，食得出冇雪藏过，十级新鲜，唔似出边好多都系比冇晒味嘅玻璃虾。深海鱼蛋似潮州白色鱼蛋，鲜味过港式炸咗嘅鱼蛋多多声，下次会试吓墨鱼，应该都唔错，。油面弹牙，米粉爽口，食到尾都唔会比热汤浸到霖晒，加上大量芽菜，超级满足！一定会再嚟！