娘惹嫁到 (已結業)

Hello 大家好，又係我地Hkfunlife小編分享好餐廳既時間啦 平時路過眼望望，今日終於把持不住入去間餐廳探個究竟 呢間餐廳位於荃灣怡樂街1號海濱花園22座海裕閣108號地舖，叫做娘惹嫁到呢間餐廳室內光線充沛我地到達餐廳後，先掃安心出行或寫紙仔，等15分鐘左右便可入座。埋到枱見到有齊備嘅餐具，擺設一致，十分整齊。坐低之後，店員提供餐牌，厚厚的餐牌每頁都有膠套分隔，方便消毒。我地唔洗幾分鐘已經諗好要嗌咩。店員誠懇有幹勁，落單流程亦簡易迅速 如果你食到微辣，呢個就晒你，香得黎唔會辣到食唔到。                                                  

讚1.薏米水足料，喇沙既湯底都夠香，料都足，麥皮蝦用新蝦，爽甜，呢啲位都食得出間店好用心2.環境幾講究，好多舊既娘惹衫掛係店內，幾靚下彈1.上菜速度有問題🤨，超過一半客人係現場都有催單，等左近半粒鐘先有麥片蝦2.食物唔太合口味，班蘭加央多係有班蘭香，但椰香好淡；人人都話必叫既魚蛋，彈牙但淡味，咖哩醬既辣味好薄；麥片蝦都好甜，娘惹菜可能真係同平時食開既馬拉菜好唔同呢⋯⋯

鮮蝦喇沙-味道一般，似自己用喇沙醬撈既湯底，油麵同米粉份量少得可憐，少過一個車仔麵，湯又唔夠，我以為自己食緊撈麵，蝦得兩隻，豆卜夾埋都冇兩舊，因為佢d豆卜係一開三，我得唔5片，即係兩舊都唔夠，未見過餐廳會將豆卜一開三，成碗野，俾人感覺係慳皮，女仔食都唔夠😔熱浪咖哩牛尾薯仔飯-味道都係一般，唔難食，但係啲飯過稔，食咖喱，通常啲飯都係一粒粒，先撈到汁，佢一pat pat，要我拮開佢一舊舊，先食到。😭

呢間之前喺西環開舖，但一直未有機會食，之後結左業，而家喺荃灣重開。男朋友之前想食但無開，今次帶我黎食，小店座位不多。呢到食祖傳娘惹菜，由當地娘惹血統的酒店總廚主理，野食全部都係即叫即整，全天然香料製成，不加味精。鮮蝦深海魚蛋喇沙麵底係米粉溝油麵，係馬來西亞最傳統的食法。麵上面舖滿配料有三隻蝦、三粒深海魚蛋、豆卜同蛋，魚蛋超級彈牙😍同平時食嘅好唔同，由馬來西亞入口80%深海魚肉製成，蝦大大隻蝦肉鮮味滿分，喇沙湯底味道濃郁杰身有椰香味，豆卜索滿湯汁。原味鴨蛋咖央多士由自家製傳統手打咖央同鮮蛋製成，多士有烘過上枱時熱辣辣香脆，帶有淡淡鴨蛋香味，味道帶椰香甜而不膩，滿滿嘅餡料塞滿多士，每一啖食得出好足料好滿足，餡料多到咇出黎🤤亞參鮮魚湯份量十足，魚幾大條多肉嫩滑唔算多骨，湯用新鮮菠蘿、辣椒乾、喇沙葉、洋蔥角加入亞蔘汁同喇沙湯熬成，味道酸酸甜甜又有魚嘅鮮味，十分開胃。食物令人回味值得一試，心思思想再黎試其他菜色，不過作為小店黎講定價略貴😬。

今晚我地又食娘惹菜，位於荃灣海濱內的小店，舊址是西營盤。聽說店主有個浪漫故事，Derek是娘惹後代，曾在馬來西亞酒店當總廚，多年前在紐西蘭工作假期遇上來自香港的太太。為了她搬到香港，並以多年來在祖母身邊學娘惹菜，再移居香港開業，重有，小店標榜食物沒有味精，食得安心又放心外，還食得到用心做菜。#原隻鴨蛋咖央多士 甜度合當，多士香脆，流心鴨蛋咖央，口感不錯👍👍#熱浪牛尾喇沙 牛尾好夠淋，大大件，在口中嘗到牛的濃重味道，喇沙汁上散了少少辣椒碎粒，令到喇沙味更突出，用心之作👍👍👍#海鮮深海魚蛋喇沙 喇沙湯比較淡，但起碼不覺油，最好食是深海魚蛋，鮮甜彈牙，必要試魚蛋👍👍👍#亞參鮮魚湯 不停食，忘記影相😹，這菜式味道非常有層次，首先食到菠蘿味，甜，又嘗到青檸味，酸，之後就辣，幾突別，但唔食得辣就唔好試了👍👍

因為疫情緣故，後天（星期四）就不能在六點後堂食，很想在措施實施之前吃過痛快。記得早前看過一齣介紹娘惹菜的電視節目，很想試一試，於是就由西貢駕車往荃灣覓食了。果然沒令我失望，店舖的食品，很有誠意，亦很地道，令你覺得自己係馬來西亞一樣！很喜愛這裡的肉骨茶，味道濃郁，材料十足。我覺得自已在家已經煮得都不錯，但他的比我更好吃。另外叫了一碗喇沙，，香港很多店舖的叻沙的蝦味欠奉，又或者就算湯底再濃郁，蝦肉就好像之前己白灼後再放進湯內，和湯底好像沒有什麼關係。但這裏的蝦肉你吃過之後就覺得是和喇沙麵合二為一的。看到有幾款飲品，但都沒有叫。因為兩個人不能吃到太多款式，希望下次可以試。買了一款甜品回家叫做娘惹糕點，樣貌不討好，但吃起來很特別，如果喜歡椰香的應該會鍾意。下次再去的話，我倆已經有個決定，就是不會重複今天所吃的，要再試廚師的功架！

This husband and wife team knock out excellent Perakanan Cuisine from this cosy spot in Tsuen Wan. Make sure to order a table, because this is popular amongst those "in the know". I was lucky enough to be recommended it by my local friends who are huge foodies.The rendang and laksa were highly recommended.

一直都有留意呢間小店因為自己好鍾意食星馬菜，娘惹菜一定係首選。前幾日同佢地訂咗娘惹糭所以今日帶埋個星加坡朋友一齊去食晚飯。一坐低已經覺得老闆娘好友善，仲同我哋傾咗好耐。大廚原來係佢老公來自檳城的Baba. 同佢哋兩位傾完覺得呢兩位夫婦冇架子、為人親切、好舒服！所以去小店食係一件賞心樂事。希望佢哋越早越好！天氣太熱一坐低就叫咗兩杯特飲已經覺得好掂，所有嘅餸都係超水準表現。真係食得出自家製娘惹味道！我個星加坡朋友食完讚不絕口！食完仲買咗咖央聽日做早餐！

馬來西亞風味(正宗、好食)馬來西亞份量(細份唔飽)馬來西亞環境(開大門無冷氣、有蚊)香港價錢．．．點餐時一直覺得痕，望一望原來蚊蚊吸梗我血。雖然反映後，餐廳開蚊機。但我應該已經餵飽哂d蚊

呢間小店RN話原來以前係西營盤做而家搬左去荃灣主力做晚市午市就只做星期五都俾我地有機會食到當然要專程去海濱花園食下娘惹鮮蝦蘇東喇沙 (~$80) 另加三粒深海魚蛋（$15）講明係全天然香料製作不加味精喇沙湯底顏色好開胃真係好有驚喜濃郁有鮮味有微微既辛辣係入面唔係嗆喉嚨既辣但係就令湯底再有層次啲配料好足亦夠新鮮深海魚蛋彈牙仲有青口同大蝦麵底係油麵米粉兩拼好正宗．．肉骨茶配飯（～$70）個湯夠熱夠濃有藥材味唔同重胡椒味既松發肉骨茶排骨入味煮得夠淋但係又幾嫩滑唔會乾爭爭食完成個人都舒服哂．呢度係兩公婆打理老公係馬來西亞人做過酒店總廚老婆就收錢落單簡簡單單咁其實都幾幸福

荃灣嘅朋友有食神啦☺️早幾年開係港島嘅正宗娘惹依加開咗係荃灣海濱！試咗佢馬來西亞🇲🇾深海魚蛋($45/10粒) 魚蛋大大粒好彈牙 好食到我再叫多十粒外賣🙊鮮蝦蘇東喇沙🦐🍜($75)斑斕咖央多士同斑斕香蕉蛋糕🤤身為斑斕嘅粉絲 啲斑斕甜點好好食 好重斑斕味!想去試嘅朋友記住留意佢幾點開 大部分時間都係開夜晚6-9pm 逢星期二三都休息 要小心摸門釘⚠️

一向知道海濱有間正宗馬來西亞喇沙小店，就襯去海濱睇牙醫順道試吓，一試愛上，隔天再特登帶愛人去幫襯😋深海魚旦鮮蝦喇沙-喇沙最重要係湯底，佢既喇沙湯底香而不油，必食👍🏼肉骨茶- 屬於藥材味不濃的肉骨茶，喝完喉嚨非常舒服，冬天食一流，成碗清哂😋鮮鴨蛋咖央多士-佢有4種味道，外面無食過這種味道，佢把鴨蛋打溶撈埋咖央，食落又香又甜，而且佢絕不吝惜，非常足料，啖啖都有咖央，非常出色，必會去試哂佢4種味道！班蘭香蕉蛋糕-相對其他食物，較為遜色，蛋糕較實而班蘭味不算濃郁。小店是2公婆經營，先生係正宗馬來西亞人，入去食野有種感覺該店就是他們的孩子，吃得出食物全是他們用心制作，必會再去！海濱位置好似唔太方便，但其實荃灣西/青衣/葵芳地鐵站都有小巴過去，絕對值得👍🏼

因為貪方便最近我同老公幫襯左兩次小店是採用自助形式的自己點餐付錢有少少似去快餐店咁1）雞肉喇沙，原本我以為是雞絲那類，但原來真的是雞肉，所以有點失望。味道比較淡沒有出面那些咁濃味，亦沒有太重的椰子味，反而有少少甜微辣幾惹味2）斑蘭多士：一般。雖然個麵包烘都烘得幾脆，但個麵包係用麥包我自己個人覺得感覺有啲唔係好夾，斑蘭醬ok 唔太甜幾fresh3）肉骨茶米粉：好好味米粉朔晒肉骨茶的湯味，肉骨茶亦唔算太重藥材味，好正！不過肉質唔夠嫩好鞋，反而個米粉好好食4）咖喱牛尾飯：咖喱比較杰身，我自己比較喜歡食多汁的。牛尾出奇地嫩喎，連我平時唔食牛尾都覺得幾好食這些小店在香港買少見少應該支持一下如果有一天我們一家真的移民我都很想在外國開一些地道食店簡簡單單卻又認認真真過日子❤️

#24112019 #正宗娘惹菜舖頭有好多款式既娘惹菜，包括喇沙、肉骨茶、咖央既甜品、娘惹既飲品等等。今日我地主要都係食佢既喇沙，嗌左三款唔同配料(佢個menu有好多款比你揀)。點解我地第一次試就個個都嗌喇沙呢？！因為佢係無落味精，原汁原味既喇沙湯底。佢個湯底有少少辣味(有少少辣粉係面)、唔係好濃蝦味個款，好香香料味😋麵底就係油麵配米粉。由於佢個湯質係稠身，所以每夾一啖麵，都掛住好多湯汁。另外豆卜，亦都係食喇沙既重點之一。好肯定佢唔係就咁放啲豆卜係面，因為每一舊都好軟身吸曬啲汁👍🏿👍🏿👍🏿而啲配料，無論墨魚、雞肉定係牛尾，全部都有用心烹調。值得支持既小店💪🏿💪🏿💪🏿仲有好多款式，留返下次再試😋

首先講下環境先。。呢間鋪係海濱巴士站 對面。。原來都幾方便。。開鋪時間。。18:00~21:00 ...做咁短時間呢。。用木制既枱。。普通無咩特別。。入到去叫野食。。。呢間係先付款。。之後享用。。叫左個肉骨茶餐配米粉。。蝦尤魚既喇沙。。之後再叫埋。。魚魚。。同央多。。先上個肉骨茶。。味道很好。。甜甜地有啲葯茶味 ..唔會太over...好味。。。啲米粉又吸哂味。。跟住個喇沙。。。個味又唔錯喎。。唔知係特登定咩。。。有米粉同d 粗d 既面。。。食起上黎幾好。。尤魚同蝦喇沙無咩特別。。再黎就係個央多。。係40果個咩鵝蛋味。。係幾好食。。最後個魚魚。。。超出色。。對魚一般既我都覺得好食。。。但係間野會滴水。。唔所以唔好坐邊邊。。佢有榴槤蛋糕 但係話要訂所有野都算好味。。。可以再食。