滿記甜品 De Avenue (已結業)

铜锣湾晚饭后，大家都意犹未尽想饭后甜品，其实喺铜锣湾甜品店选择超多，朋友提议希慎3楼有间似食甜品嘅店，就一于试试。到步一睇menu，大家反应都系：原来系「满记」！反正嚟到又唔驶等位，当然一食。个人认为坐店外商场位比店内，空间感更大、更舒服。各自点了——抹茶彩虹：颜色丰富名符其实系彩虹，生果新鲜，抹茶雪糕唔滑但够香，底部混合红豆、寒天等，又几好食杂果椰汁豆腐花：生果唔算多种类，朋友话椰子肉、椰汁配合豆腐花，好好味㖞。杨枝金露：朋友无特别comment，只系话几好食嘅杨枝金露。芝麻糊杏仁茶+芝麻汤丸：朋友钟意食好热嘅糖水，要求要热啲，的确做到！芝麻同杏仁够香、汤圆正常，整体好味。其实都有一段时间无食「满记」，今次再食都保持到水准，算系耐不耐饭后甜品的一个好选择！