滿記甜品 De Avenue (已結業)

 Boyfriend and I had an app that was offering a free designated dessert at certain Honeymoon Dessert locations. The one at Hysan was one of them! And we lined up! But the line wasn't very long. I guess not that many people knew bout this deal. The app was in Chinese so I had to rely on boyfriend to help me out.Boyfriend chose the ice with taro balls and taro ice cream. There was some barley in it. The ice cream was not too smooth but it wasn't icy. The taro balls were ok. Chewy but not great. Th

約咗朋友在銅鑼灣希慎廣埸晚飯，但因為時間尚早， 所以找達地方坐低歇一歇腳， 上到三樓見到滿記糖水就好想食碗熱辣辣的芝麻糊加埋湯圓。 滿記的芝麻糊做得好香滑， 芝麻湯圓都好煙韌，有水準食完大滿足。

在銅鑼灣吃完晚餐，到希慎廣場行下，又想食飯後甜品，於是去咗3/F果間滿記，叫咗個楊枝甘露！加個抹茶雪糕球。味道幾好喎，酸酸甜甜，柚子粒和芒果粒，茜米，抹茶雪糕好好味，地方又幾企理，坐得都好舒服！埋單四十零蚊，在大商場找個歇下腳，又有糖水食嘅地方，軽鬆一下又幾舒服！

從未去過美食博覽會，今天朋友約了去走走，買了$40的門票可以去尊貴美食區的。我們買些不同地方的小食品嚐一下。到二時很多人進場，我們買了些東西便離去。行去銅鑼灣希慎廣場，見到有満記甜品，對面是他們的Hello Kitty 店，但我們都不是Hello Kitty迷，所以選了傳統的滿記。好耐冇來，餐牌跟以前很不同，多了很多西式甜品，但少了傳統的中式糖水！我叫了楊枝甘露，以前我是很喜愛吃這個甜品的，但今天的質素跟以前相差好遠，個糖水好像很稀，芒果肉也不多，有點失望。另一款白雪黑珍珠，朋友說叫錯了，不好吃。芒果脆脆窩夫都可以，窩夫脆脆的但沒什蛋香。

之前已知道滿記會和HELLO KITTY有聯乘，所以趁開始營運的第一天一探究竟。今次的POPUP是以懷舊風為主題，超多打卡影相位。連餐桌及坐椅都有超吸晴的KT圖案。好了講回食物本身。今次叫了個香蕉船、一杯白牛、一個蘋果西米布甸、一杯桂花薑茶，埋單接近三百。侍應態度應是我去過那麼多滿記而言態度最友善的。所見即所得。老實講，賣相可以，食味極一般。薑茶份量少，茶包的亮點也是有KT，薑片也有KT圖案，不過味道不錯。西米蘋果焗布甸，其實配搭幾得意，西米布甸的甜加蘋果的微酸，感覺清新。白牛其實是雪碧加芒果雪糕，香蕉船呢都是三球雪糕加朱古力條和香蕉。這兩款食物基本上沒有太大可能出錯，只能說選用的雪糕問題，令食味有落差。如果用其他滿記的消費來比較，其實是物非所值的。不過，鬼叫你想影隻無咀貓!

早幾日一聽到希慎滿記開左間復古懷舊甜品屋，重點係有Hello kitty主題港式甜品😍,當然要快啲去朝聖～🤘🏻😆見到全部都係Hello Kitty嘅嘢睇到都已經好開心！😍❤️款式來講唔算太特別都係啲中式糖水，不過賣點當然係每一個都有Kitty嘅樣～😍叫左個蘋果焗西米布甸🍮、蘋果杞子燉桃膠🍎，個焗西米布甸入面啲蘋果蓉夾埋一齊食酸酸甜甜幾好味，唔會好似夾蓮蓉咁甜😋；個燉桃膠好清甜，不過桃膠份量得好少😕，所以比較上似飲品多個甜品，入面有塊Kitty樣嘅醃蘋果，好得意搞到我最尾嗰啖先捨得食😬～整體感覺叫做OK但又未至於好出眾（可能自己始終鐘情於西式甜品多啲😬🤷🏻‍♀️），不過Kitty迷就好值得去拜訪下，因為淨係賣相都已經加咗好多分～👍🏻😆唯一唔好嘅地方就係人頭最低消費要$125😯，始終都只係滿記出品所以覺得定得偏高少少～不過冇計啦自己鍾意Hello Kitty，而且影吓相都值得！😝😙

銅鑼灣希慎廣場滿記又有新主題甜品，今次有可愛嘅Hello Kitty做主角，喜歡Hello Kitty嘅朋友一定唔會錯過！一上到希慎廣場三樓就見到滿記裝修得好靚，有好多Hello Kitty, 門口工作人員會比Menu同聲明每人最低消費要$125元，同埋用餐時間限75分鐘，無問題就可以入去！一入去當然週圍拍照，所有枱同櫈及餐具都印有Hello Kitty！上次也做過Little Twin Star 主題甜品，但上次味道就不太好，有些失望！但今次Hello Kitty甜品就好味好多，賣相都好靚好吸引！我哋order左Hello Kitty香蕉船，有三球雪糕分别係士多啤梨，雲呢拿同芒果，味道唔錯好好！另外叫咗Hello Kitty小巴脆多士，裏面全部都係碎嘅烚蛋，烘得唔會太燶，仲有奇異果同棉花糖伴碟！飲品叫咗雪糕椰汁紅豆冰，紅豆唔算多但味道都唔錯！今次啲食物一啲都冇失望，門口仲有好多紀念品可以買！

仲好記得以前細細個好鐘意食滿記既芒果班戟黎親銅鑼灣就會去時代廣場個間滿記買芒果班戟同埋芒果糯米糍番屋企食最近見到希慎有滿記再加上去完旅行食完外國既芒果真係完全同好食呢個字有距離之後更加心郁郁想食香港既芒果甜品所以就叫咗一個芒果班戟但因為唔想兩個都係芒果朋友怕燥熱所以另外一個就叫咗士多啤利waffle芒果班戟 2件27蚊以前食既時候先好似20 21蚊到過咗咁耐加到27蚊其實都差唔多㗎啦水準依舊keep到好多時d鋪頭就係價就加咗食物質素反而下降咗芒果好夠甜cream既份量亦都適中唔會話過多同芒果個配撘好好塊班戟唔會話做到好厚士多啤利waffle 48蚊半塊同朋友share一人一件都夠㗎啦其實另外仲有兩球士多啤梨味既雪糕有一球係waffle同waffle之間既waffle方面我覺得不過不失食落都唔覺淋我最怕d waffle 淋到成條毛巾咁以前係英國個d甜品鋪食waffle就係淋到勁難食個雪糕食落係食到士多啤梨既籽亦都好重士多啤梨味好食既士多啤梨都唔酸

好耐冇食過榴蓮既甜品啦！！係咁多種榴蓮甜品之中, 有榴蓮忘返, 榴蓮雪山, pancake啦,我就揀左榴蓮忘返！係兒時既味道啊>< 好耐冇食過 水準都差唔多冇差到 不過不失啦！

同Fd子喺希慎食完生日飯，想再傾多陣，轉戰去左樓下滿記甜品crossover Little Twin Stars嘅Honeymoon Dessert de Avenue，可能係平日夜晚嘅關係，入面一枱客都無，而且仲無限時間，一吹就吹左幾粒鐘。成間鋪以粉色設計，周圍都比Twin Stars包圍住，真係唔係fans都會覺得好開心，餐牌選擇都算多，仲要款都好靚，令人眼花撩亂，最後我至揀左LaLa草莓西米露，糖不甩，同KiKi雲朵芭菲。等左一陣，野食終於黎，真係超靚，靚到唔捨得食，草莓西米露，草莓味香甜，唔係藥水味，食落就似草莓奶泡加西米，好味。糖不甩有粉紅色同粉藍色，上面有大量椰絲碎，仲有粉紅同粉藍色嘅星星糖片，成件事真係超夢幻。糖不甩煮得夠軟糯，連同椰絲同星星糖片一齊食，微甜中帶有絲絲椰香，唔錯，但其實兩隻色係食落係一樣味嘅。KiKi雲朵芭菲，呢杯超靚，我負責食曲奇，馬卡龍同綿花糖，全部都係現成野，食落無特別，正常，其他就由Fd子包辦。以主題cafe黎講，呢間嘅野食算高質，好味又靚靚。同fd子吹下水同打卡影相一流!

星期六約左朋友食飯，順便岀去行下。不過人真係好多，諗住搵地方坐下食下tea。點知道道都人滿為患。見滿記冇咩人，一嘢就入去坐低。其實佢嘅價錢唔算貴，環境都冇咩特別。同朋友就係咁二睇圖點嘢食。叫左個西瓜西米露同抹茶紅豆pancake。不個西瓜西米路都幾嚴重圖文不符，好多粒嘅西瓜變左得三粒，西米露好好小，唯一西瓜汁冇嘢可以彈到，但份量真少。Pancake 就似蛋糕多啲，抹茶雪糕嘅色同味道都係得個名。不過都算係咁，四十幾蚊包嘢飲。不過千其唔到點啲朱古力食，係金幣朱古力味，好廉價。

呢期主打little twin star主題，實在太吸精，比佢吸左入去。食品同餐牌圖一樣，絕不欺場，每次有order黎到我地到會爭住影相，設計有心思，唔係亂篤塊公仔牌上去食物。味道都ok，滿記出品都唔會難食得去邊，價錢唔算貴得好誇張，每人$40-60，有得睇有得食好開心。我地六個人入去唔洗等位，食左成粒鐘都無咩人幫襯，睇黎熱潮已經過左。不過侍應成日唔知去左邊，連入去搵位都唔見侍應，我見得一個人睇場，可能有d時間佢會過去隔離滿記瓜。

Little Twin Stars 有好多小朋友和少女嘅fans， 所以位於希慎呢間甜品舖以 Little Twin Stars 做主題就吸引咗頗多小朋友和少女朝聖。無論裝修、枱櫈、餐巾都充滿 Twin Stars 嘅元素, 好靚，望見都好開心。最近新推出咗Little Twin Stars 芭菲，賣相好吸引 ，杯中有椰果、士多啤梨粒或藍莓、蜜糖星星脆脆和忌廉，還有雪糕，上層放了一球棉花糖，以Kiki 或 Lala 造型的馬卡龍和星形cookie 點綴。一上枱就「嘩！」了一聲，忍不住相機食先啊！不過一定要快啲影，否則棉花糖就會漸漸縮細變形。不過真係有啲失望，好睇唔好食，可能個杯容量細，椰果和生果只有兩三小粒，雪糕則只有半球左右份量，食落只覺食到啲cream，而且唔夠凍，馬卡龍又超甜，曲奇餅又吾鬆脆！咁嘅size 和質素要成 $78 杯都幾吾值！我個人試過一次，打過卡就夠啦！

個fd勁like little twin star， 知道有pop up 甜品店，梗係搵佢黎試啦。星期五下晏，唔使等位又唔使分時段入場，正。全場都粉色同佈滿little twin star, 真係fans 必到, 我唔係fans, 都被個環境吸引，影唔停手。夢幻芒果脆脆窩夫窩夫即整，熱辣辣，配芒果好味。d 星星糖靚就靚,但偏硬。芒果班戟一向滿記出品既班戟，保持水準，加埋little twin star, 就更加賞心悅目啦。Lala草莓西米露呢杯西米露好靚, 唔捨得整難佢。食落好香士多啤利味。幻彩星空梳打／綿綿奶蓋芒果冰兩杯飲品都好靚, 但飲完超級凍呀，勁多冰。

Growing up in Canada, I was still exposed to the world of Sanrio. One of my favorite characters was Little Twin Stars. That blue haired boy and pink haired girl who sat on a moon all day surrounded by pastel stars and clouds. Much to my amusement, I found that Honeymoon Dessert had a Little Twin Star pop up at their Hysan Place location. I had to go! I had to fulfill my inner child.The entire shop is decorated in the theme.Everything is pastel colored and even the lights look like clouds.They've