新泰東南亞餐廳 (馬鞍山廣場)

营业中

休息中

好耐冇一家三口出去商场行吓，今晚兴起去咗马鞍山广场，个仔最钟意旋转木马附近个影相位，成日有新嘢!行到攰揾嘢食，原来有间手3¹1东南亚餐厅，食过尖沙咀𠮶间好好味，所以决定入去试吓!座位好舒服，光暗适中，侍应有礼貌，未食已经有好印象!“鸭肉生菜包”微微辣，够惹味，连包3个嚟食!“越南鲜胡椒炒牛展”第一次食呢个菜式，好特别，送饭一流，所以立即叫咗一碗，牛展重点系唔可以硬，呢度够淋入味，KO碗靓仔!“腰果芒果炒鸡丁”最啱个仔，有芒果有腰果仲有鸡肉，酸酸甜甜够开胃，唔错嘅配搭!“泰式虾炒金边粉”，上枱个卖相靓到不得了，估唔到系炒金边粉，食落亦好好味，食咗碗饭嘅我都食咗两碗!“咸柠七”就唔算好但正常!“椰汁冰”太座话超好味道，连唔太嗜甜嘅佢都赞，应该唔错!有咗呢间就唔使再去尖沙咀食喇!