職人食事 (已搬遷) 新店位置

过开黎观塘做野都几中意上骆驼漆揾野食，选择好多，又唔错水准。哩间黄店之前上网见到都想试，今次黎开就坐低食个late lunch。我同朋友大概3点黎到，lunch果轮完左人比较少，所以可以慢慢食。之前一直以为食日本野，原来西式既意粉、意大利饭果d都有得食。吞拿鱼腩油脂丰富，基本上系入口即融，三文鱼厚切新鲜，带子刺身朋友食，我本身唔食，所以唔特别评论。白松露辣肉肠扁意粉一上枱已经闻到好香既松露香味，意粉煮到刚好，辣肉肠同蘑菇既配料都几足。俄罗斯烤牛忌廉阔条面哩个口味好特别，我暂时未试过喺出面食到，食到有肉桂果阵香味，口感好creamy，带有少少酒味，牛肉肉汁浓，系用左hanger steak哩个部位，真系几唔错，份量又十足。