火鍋本色 (已結業)

之前同朋友黎打边炉，已经好钟意佢哋嘅牛肉同龙虾丸。今日同个同事黎呢头做嘢，谂紧午餐食咩好嘅时候，见到火锅店个阿姐系度派传单。原来呢间嘢有午餐，就上去试下......午餐唔系食火锅，好似车仔面+火锅咁，自己拣汤底，配料4款，跟餐前点同面，盛惠$78。汤底有冬瓜汤，南瓜汤，沙爹汤同蕃茄薯仔汤。我梗系拣我嘅至爱，蕃茄薯仔汤啦！同事就拣冬瓜汤。至于配料，梗系手切肥牛啦！仲有龙虾丸、猪颈肉，同埋芋丝。面都系我最爱嘅稻庭乌冬。小食系酸菜同沙律，几开胃。 配料用细锅上，下面用火兴住，面分开上。搅下个锅，原来下面已经有菜垫底。配料已经熟透，唔使等个锅滚就可以食啦！ 牛肉同平时打边炉个D一样，好食！  龙虾丸都系师傅手打个只，弹牙！ 猪颈肉就不过不失。 试下汤底，蕃茄味有D淡，钟意清淡D嘅人ok！个部长走过黎问下意见，我就话个汤可以浓D。跟著个部长即刻话唔好意思，话会同师傅讲番。服务态度ok!  同事话个冬瓜汤好好味，下次等我试下先！ 总括黎讲，$78 食到打边炉牛肉，手打肉丸，已经好吸引。成个餐食完好饱，抵食！