影片
更多
2024-06-28
1665 浏览
突然醒起好耐无食苏妈.苏妈，咁啱喺附近就入咗去食lunch！午餐选择好多，送热饮。念旧嘅我今次都系encore返招牌砂锅老鼠粉，因为实在太回味啦！不过太耐无嚟，搞到错判咗份量，唔记得咗呢个老鼠粉好大锅，两个人share食会比较好！砂锅老鼠粉一上枱就听到砂锅滋滋声，趁热将面头嘅生鸡蛋、肉碎、鱼仔干、虾米、辣椒、葱花、炸蒜、猪油渣等不同材料捞匀，令老鼠粉更加香口惹味！鱼仔干完全系画龙点睛，增添咸香！由于加咗猪油渣，所以老鼠粉都比较油香，虽然真心邪恶，但间中一次半次都可以放肆吓嘅！呢排天气太热，桔仔话梅水(Lunch set +$8)完全系消暑良品！酸酸甜甜又生津，解渴又消暑！味道都调味得啱啱好！而今次嚟苏妈.苏妈，最大最大嘅惊喜系发现呢度除咗咖央多士之外，仲有榴梿系甜品！！！开头好惊讶呢度会有榴梿甜品食，但后来谂谂下，马来西亚正正出产榴梿呀！Anyway试咗抹茶榴梿糯米糍($52/4粒)，糯米糍皮超薄，入面系饱满塞爆嘅榴梿蓉，每一啖都系浓浓嘅榴梿香，齿颊留香！糯米糍皮嘅抹茶味唔太明显，不过主角系榴梿，所以榴梿控好满足，平均$13一粒真心超值！
午餐选择好多，送热饮。
念旧嘅我今次都系encore返招牌砂锅老鼠粉，因为实在太回味啦！不过太耐无嚟，搞到错判咗份量，唔记得咗呢个老鼠粉好大锅，两个人share食会比较好！砂锅老鼠粉一上枱就听到砂锅滋滋声，趁热将面头嘅生鸡蛋、肉碎、鱼仔干、虾米、辣椒、葱花、炸蒜、猪油渣等不同材料捞匀，令老鼠粉更加香口惹味！鱼仔干完全系画龙点睛，增添咸香！由于加咗猪油渣，所以老鼠粉都比较油香，虽然真心邪恶，但间中一次半次都可以放肆吓嘅！
呢排天气太热，桔仔话梅水(Lunch set +$8)完全系消暑良品！酸酸甜甜又生津，解渴又消暑！味道都调味得啱啱好！
而今次嚟苏妈.苏妈，最大最大嘅惊喜系发现呢度除咗咖央多士之外，仲有榴梿系甜品！！！
开头好惊讶呢度会有榴梿甜品食，但后来谂谂下，马来西亚正正出产榴梿呀！Anyway试咗抹茶榴梿糯米糍($52/4粒)，糯米糍皮超薄，入面系饱满塞爆嘅榴梿蓉，每一啖都系浓浓嘅榴梿香，齿颊留香！糯米糍皮嘅抹茶味唔太明显，不过主角系榴梿，所以榴梿控好满足，平均$13一粒真心超值！
张贴
