影片
更多
2018-11-22
221 浏览
今日放咗工同朋友喺中环行完街，买咗一大堆圣诞装饰准备迎接最浪漫嘅Christmas🎅🏻🎄唔经唔觉已经到咗晚饭时间，朋友推介一间系中环开业冇几耐嘅餐厅，当佢同我讲系食素嘅时候，我真系吓咗一跳，本来心入面有啲抗拒，但朋友话呢间餐厅系西式素菜，好味又健康，咁我就抱住试新野嘅心情去Pop Vegan！行到去Soho伊近利街，见到耀眼嘅灯牌，就沿着楼梯行上一楼，终于到喇！入到店内见到好多唔同种类嘅素食产品，有dairy free芝士、dairy free曲奇等等，啱晒一众素食人士。冇谂过睇完餐牌之后，我竟然有好多款菜式都好想试😍又想食汉堡包、又想食寿司，最后朋友帮我发板，选择困难症嘅我就唔使谂咁多啦！餐牌上面仲有QR code，可以俾你了解下餐厅添！我叫咗一杯orange nojito，就系冇酒精嘅mojito，散发着薄荷嘅香气，加入左香橙味道，令杯梳打饮起上嚟特别fresh。期待左好耐，吞拿鱼他他终于嚟到喇。原来呢度嘅吞拿鱼其实就系jelly，颜色同外型都好容易俾佢呃到，以假乱真绝对冇问题哈哈！除咗「吞拿鱼」之外，仲有牛油果、芒果、火箭菜等等嘅食材，调味就用咗柠檬草酱汁，味道非常之清新又特别，
行到去Soho伊近利街，见到耀眼嘅灯牌，就沿着楼梯行上一楼，终于到喇！入到店内见到好多唔同种类嘅素食产品，有dairy free芝士、dairy free曲奇等等，啱晒一众素食人士。
冇谂过睇完餐牌之后，我竟然有好多款菜式都好想试😍又想食汉堡包、又想食寿司，最后朋友帮我发板，选择困难症嘅我就唔使谂咁多啦！
餐牌上面仲有QR code，可以俾你了解下餐厅添！
我叫咗一杯orange nojito，就系冇酒精嘅mojito，散发着薄荷嘅香气，加入左香橙味道，令杯梳打饮起上嚟特别fresh。
期待左好耐，吞拿鱼他他终于嚟到喇。原来呢度嘅吞拿鱼其实就系jelly，颜色同外型都好容易俾佢呃到，以假乱真绝对冇问题哈哈！除咗「吞拿鱼」之外，仲有牛油果、芒果、火箭菜等等嘅食材，调味就用咗柠檬草酱汁，味道非常之清新又特别，酸酸甜甜好开胃。
主菜方面，就系大大份嘅Pizza。呢个Pizza系用咗biscuit crust，十分香脆。上面铺满左番茄同芝士，简简单单嘅食材但系已经极度惹味！
之后仲有一份Tuna sushi roll。呢份寿司用嘅吞拿鱼都系蒟蒻，基本上同吞拿鱼他他差唔多，但系佢用咗辣辣地嘅沙律酱，个dressing将寿司嘅味道层次升华，我同朋友都好钟意。
如果西式素菜系咁好食的话，其实食素又有咩好怕㖞？
张贴
