元八拉麵 (已結業)

十点行完citysuper谂住揾d野食,点知好多间都开始收,得番几间仲开,就是但试下呢间啦~~!个小妹妹系咁sale我地试个"招牌元八拉面"谂住横掂未试过,咪试下啰!咁就叫左一个原味,一个酱油味,再加$8就有柸"蜜桃寒天"特饮!一睇下,竟然系"炒码拉面"我之前只系喺日本食过一次,唔理喇,即刻饮淡汤先~~我先试下我女朋友个原味,一入口浓厚既猪骨汤再加一层油喺面~正!!甘香浓郁,100%日本风味,多油本来就系"炒码拉面"既特色,所以冇所谓,再黎就食我自己个酱油味,个汤果然比原味浓好多,另一种风味,先食下d𩠌先,芽菜、笋片、洋葱,炒得啱啱好,唔会太软,仲好爽脆!菜码清甜;个汤味浓,加埋一齐食又几夹㖞!跟住食面喇,一咬落去...都得㖞!口感弹牙,又够蛋味,真系唔错!块义烧都好好味肥瘦均匀,好有肉味,可惜得一块,太少喇!!总括黎我都好满足架喇,不过都系味精多左d啰!最后系柸"蜜桃寒天"特饮喇,桃味好香,又有d好似大菜糕既一粒粒喺入面,有得饮又有得食,都系加$8啫,唔错~!系甜左少少啫!!