蛋卷皇后 (已結業)

工作中经过旺角，同事买咗呢间嘅蛋卷比我哋食，佢话之前一直想试！传统方形蛋卷罐，铜色铁罐唔花巧，样子高级，我打开方形盖仲有一个圆形盖，双重盖存气能力几好！唔使即刻食晒都得！呢只系原味，一罐有好多层，每层有牛油纸相隔，蛋卷卖相唔系皮光肉滑，有啲粗糙，黄色蛋卷无破损，食落比较实，虽然蛋香味够，但唔够松化，味道微甜！一般！同事在店内试食过，佢话原味蛋香浓，牛油松化啲但无乜蛋香！以主力做蛋卷来讲，只系一般！