鮨心 (已搬遷) 新店位置

记得啱啱开始食寿司嘅时候，最想食嘅就系青瓜小卷，黄萝卜小卷同蟹柳小卷，到人逐渐大左发现原来寿司嘅款式可以好多嘅时候，都会忽略咗最原初嘅呢几种味道。今日我特别想试返呢一种味道叫咗青瓜小卷，呢到用咗青瓜丝而唔系条状，但味道都很不错。日本的玉子，初头我都唔识点样欣赏，但系当发现日本蛋嘅蛋味非常之浓厚同其他唔同嘅时候 我就爱上左。而佢整成玉子烧嘅时候味道更加甜，香，滑。即叫即整嘅软壳蟹寿司，保证上枱嘅时候仲系热辣辣，咬落去成只蟹身系吹卜卜，非常足料。还有简单得来却又非常好味嘅乌冬，呢度嘅冷乌冬切成幼条，口感较滑。配上乌冬汁再加埋姜蓉同埋少许嘅香葱，已经好好味。