影片
更多
2018-03-18
351 浏览
当一品开业冇耐就成日帮衬,开头都觉得好食, 终于揾到一间食到云南米线嘅精髓嘅店。尤其麻辣、酸辣汤底, 比起其他店舖, 值得一赞。汤底足料, "麻辣汤底"未食都闻到麻嘅香味, 食个阵唔会觉得只得辣而冇麻嘅感觉。"酸辣汤底"值得一赞系啲酸菜, 唔系间间店舖都会有酸菜。有个钟情酸辣汤底嘅朋友完全赞不绝口。👍👍 所以成日都约埋朋友一齐嚟食。猪肠麻辣米线。呢间米线铺, 我食过至少20次甚至double, 堂食外卖样样有, 高峰期试过连续几日都食。所以一定系super fans! 原先打算写食评大大推荐赞扬呢间小店。不过直到新年后, 店舖质素大大失准。失准到我明明想比好评, 最后首先讲返赞不绝口嘅汤底。任何汤底, 虽然仲有麻辣味同酸辣味, 但系多咗一份超浓郁嘅"味精"同"咸"味。咸到食完后大半日都好口渴, 仲会keep住条脷好咸, 饮好多水都冲唔走啲"咸"。就算保持返足够嘅配料、原有风味都令我不得不却步。其次系𩠌嘅份量偏少, 分分钟车仔面店嘅份量仲多过佢。 以下系我食过咁多次嘅分享成果1. 丸: 印象中得2、3粒。由于食过蟹子丸同墨鱼丸1次觉得颇差, 所以新年前一早已经black list。2.
猪肠麻辣米线。
呢间米线铺, 我食过至少20次甚至double, 堂食外卖样样有, 高峰期试过连续几日都食。所以一定系super fans! 原先打算写食评大大推荐赞扬呢间小店。不过直到新年后, 店舖质素大大失准。失准到我明明想比好评, 最后
首先讲返赞不绝口嘅汤底。任何汤底, 虽然仲有麻辣味同酸辣味, 但系多咗一份超浓郁嘅"味精"同"咸"味。咸到食完后大半日都好口渴, 仲会keep住条脷好咸, 饮好多水都冲唔走啲"咸"。就算保持返足够嘅配料、原有风味都令我不得不却步。
其次系𩠌嘅份量偏少, 分分钟车仔面店嘅份量仲多过佢。 以下系我食过咁多次嘅分享成果
1. 丸: 印象中得2、3粒。由于食过蟹子丸同墨鱼丸1次觉得颇差, 所以新年前一早已经black list。
2. 鸡翼: 2只。大大只, 好香卤水味又入味, 唔会咬落好硬。 6蚊2只都可接受。
3. 猪耳: 体积时大时细, 份量还可以, 都算入味。可能叫2份先会觉得够。
4. 萝卜: 大大件, 推荐食酸辣汤底时点, 保证入味。
5. 猪肠: 食麻辣汤底好食, 可惜份量一时时, 有时嗌2份都会觉得同平时1份差唔多件数。
6. 鸡丝: 真心最难食系呢个。个啲雪藏味真系酸辣麻辣都掩盖唔到, 仲要啲肉好"孩"。原因系食几次都见佢啲员工系个盒到拎啲早就烚好而再雪返冻嘅鸡胸肉出嚟手撕。冇理由未熟都撕到啲鸡丝啩。 呢个真心差。
7. 肥牛: 件数认真少得可怜。将块肥牛一开二都算, 分分钟仲细粒过只手指公, 仲要一份数量都唔同, 顶多比到尽得"8粒"左右, 但肥牛系要+$8。 有啲离谱啰。
8. 墨鱼头: 不错之选。
7. 竹笙: 够爽, 唔会淋晒, 啱啱好。
另外, 小食份量少, 唔值呢个价钱, 偏贵。尤其麻辣小食, 原本以为好似出面啲店舖咁捞埋一碟, 但佢地系分开上。小食上淋豉油, 麻辣酱放旁边。之前叫过麻辣猪耳、肾片, 本身已经系卤水, 仲要淋豉油, 点知啲麻辣酱又系偏咸。即系咸上咸再咸。呢啲小食真系好失望。
最后想讲嘅系, 有时想走某啲配料同饮品少冰少甜, 系呢间店系好难做到。我都明会失手, 但系次次大大只字写明走芫茜同葱, 张单写咗都好, 厨房都系照比你。明明写少冰, 都会比半杯冰。落车嘅好多时都唔理需求, 唔会帮你写个米线走乜走乜, 饮品少乜少乜。虽然新年后都有好转, 都会落返足少少, 但厨房个边仲系继续唔理。
仲记得我地圈晒要点嘅嘢之后, 同职员讲麻烦落返走青, 因为已经好多次写住走芫茜同葱都冇走到。点知个女职员答咗我一句"你同我讲冇用架, 又唔系我帮你入机落单... 有时落单冇落到都系咁架啦" 哗! 咁不如你比部pad我地自己落单又或者好似大家乐排队买飞, 咁就唔洗麻烦你地专登过嚟写枱号拎个餐牌比收银同事入机。
整体上愈来愈失准, 但系始终当初开业时, 的确好食, 如今的确令人失望。就连身边嘅朋友都愈来愈少去食。
张贴
