蛇膠參滋補專門店

朋友介绍话呢度有高质嘅蛇羹同海参食，睇过餐牌觉得CP值高，今日同另一位朋友嚟试试，招牌系真材实料嘅太史五蛇羹同干鲍，原来仲有一人餐同二人餐可以拣，计落仲抵食！今次我哋2人就叫咗个二人餐，份量十足，真系好满足🤩🤩🤩秘制太史五蛇羹呢度嘅蛇羹用咗独有嘅配方同配料煮成。羹汤嘅口感浓厚得嚟有好多料，明显见到几多蛇肉，一条条见到到蛇肉嘅纹路，真系真材实料。配埋枱面嘅配料例如炸脆、柠檬叶、花生，食落更加有风味👍腊味糯米饭腊味包括腊肉、腊肠，铺陈喺糯米饭上，捞起一齐食口感层次分明。糯米饭煮得几好唔会黏住一旧旧，每粒饭都充满油香，不错不错！鲍汁花菇扣水鱼裙边花胶鱼肚类嘅胶质嘢就食得多，你又食过水鱼裙边未？我都系第一次食，感觉好新鲜，咬落口感爽弹几有趣，唔系好腍烂个种，咁特别嘅食材用鲍汁嚟调味估唔到咁夹，厚实嘅花菇香味突出，够哂入味，整个配搭好match，食落舐舐脷😋😋浓汁小米原只干鲍金黄色小米汤汁，以我嘅经验系用咗南瓜熬煮而成，小米煲得软绵绵微带黏稠，配上招牌干鲍，干鲍本身质量好而且味道浓郁，切开细细份配上金色小米滑慢慢品尝，一啖接一啖食到停唔到口！花旗参炖海参呢盅汤冇谂过咁足料，一打开见到整条原条海参