影片
更多
2008-06-04
194 浏览
** 此 食 肆 的 第 一 个 笑 **31-5-2008 Sat 晏昼同女友人CK o系九龙医院影完相,就o系呢o度食o野啦,因为o系o度做o既亲人话呢o度o既o野食都唔太差,但o系唔熟悉地方下,打电话问问另一个o系o度做,放工冇耐o既亲人,好彩佢话埋畀我知如果唔系呢o度职员买o野食会贵啲,咁我当然掹埋佢o黎啦.我同CK先到,睇定食乜先,本想食tea,点知要到3点至有.咁我要o左$7.00 o既炸猪扖,$6.00o既薯条同$6.00o既可乐.CK要$20.00o既鸡翼鱼汤米线.由于即叫即整,所以都等一阵,CK o既鸡翼鱼汤米线整好o左,佢大赞话啲鱼汤好得,汤好似好浓,偏淡唔咸,但饮唔出鱼味又无姜味,所以唔系好明佢点做得到个汤咁浓,米线就粗啲,而鸡翼佢话冇谂过系全翼.而佢就因为啲汤太好味,所以成碗清晒,汤都饮埋.而我o既猪扖整好o左,不过唔系炸,系煎o既,但漏o左薯条畀o左绿茶我.于是我先食猪扖,唔太咸且松,OK.我绿茶未开,厨房就叫我,话张飞冇写要饮品,我亲人睇睇,原来系㖞,于是帮我补买.我谂系老板娘挂住同我亲人倾偈,所以漏落.之后我o既薯条都炸起喇,哗!好粗好长,:虽然一碟唔系太
31-5-2008 Sat 晏昼同女友人CK o系九龙医院影完相,就o系呢o度食o野啦,因为o系o度做o既亲人话呢o度o既o野食都唔太差,但o系唔熟悉地方下,打电话问问另一个o系o度做,放工冇耐o既亲人,好彩佢话埋畀我知如果唔系呢o度职员买o野食会贵啲,咁我当然掹埋佢o黎啦.
我同CK先到,睇定食乜先,本想食tea,点知要到3点至有.咁我要o左$7.00 o既炸猪扖,$6.00o既薯条同$6.00o既可乐.CK要$20.00o既鸡翼鱼汤米线.
由于即叫即整,所以都等一阵,CK o既鸡翼鱼汤米线整好o左,佢大赞话啲鱼汤好得,汤好似好浓,偏淡唔咸,但饮唔出鱼味又无姜味,所以唔系好明佢点做得到个汤咁浓,米线就粗啲,而鸡翼佢话冇谂过系全翼.而佢就因为啲汤太好味,所以成碗清晒,汤都饮埋.
而我o既猪扖整好o左,不过唔系炸,系煎o既,但漏o左薯条畀o左绿茶我.于是我先食猪扖,唔太咸且松,OK.
我绿茶未开,厨房就叫我,话张飞冇写要饮品,我亲人睇睇,原来系㖞,于是帮我补买.我谂系老板娘挂住同我亲人倾偈,所以漏落.
之后我o既薯条都炸起喇,哗!好粗好长,:虽然一碟唔系太多,不过都好够饱,而且好好味.
环境同卫生OK啦,而厨房o既都几好礼貌.
呢o度有清茶可以自己斟o黎饮.
如果系非职员,唔同o既食物会加$4.00至$6.50不等.,其实都好贵.
张贴