Ebeneezer's Kebabs & Pizzeria (已搬遷) 新店位置

喺中环食快餐，唔一定要去传统嘅快餐店，麦叔叔、KFC、Delifrance、大家乐呢一类，见到有一间卖土耳其Kebab嘅店，佢地喺香港都有好几间分店，又系另一款小公主喺英国好喜欢的食品。店内座位有限，因为佢都系以外卖快餐为主。我地拣咗两份羊肉Kebabs套餐，一份系Standard版，另一份系spicy版，套餐包一杯饮品。一打开，非常热，薄饼皮软熟，冇油，非常健康，内里蔬菜非常丰富，主要有新生菜、蕃茄、生洋葱，大量羊肉，好可惜肉质系比较瘦，带唔出烧香嘅肉味，不过酱料入面应该有mustard+沙律酱，与Kebab非常配合，都算系可口。Comments: 今趟最主要都系小公主可以再一次怀勉英国生活。如果羊肉可以选取较多肥肉的话，味道肯定会更甘香更吸引。以一道午餐或宵夜嚟讲，呢度嘅Kebab系完全合格，如果下次再经过嘅话，都不失为一个选择呢。