素食一家 (已結業)

今日中午整班同事心血来潮话想食斋，响旺角都有好多唔同嘅斋铺，但素食一家嘅正评比较多，所以我哋就决定去食啦。餐厅嘅装修简约，而且主要都系卡位，所以坐得比较舒服。每个人食斋都有佢嘅原因嘅，有啲人就想为环保出一分力，减少宰杀动物，有啲人就想食得健康啲，有啲人就想睇下点样可以将素煮得好似真系肉一样咁。所以我哋就叫左一个菠萝咕噜肉去睇下有几似，再加一个鳗鱼炒饭，椒盐茶树菇，同腰果百合炒淮山。菠萝咕噜肉咁卖相真系坚似真。咕噜肉，咬落去嘅感觉就系食紧猪肉一样，再配以山楂汁同埋菠萝青椒呢啲配料，根本上冇办法分别到佢系一碟素咕噜肉。椒盐茶树菇就好香口，炸浆好脆好薄，茶树菇嘅味道都好香，椒盐亦非常惹味。腰果百合炒淮山的味道好清新，爽爽地，又可以中和一下其他重口味嘅𩠌菜，食完感觉好舒服㖞鳗鱼炒饭同喺日本餐厅食嘅味道系一样，造型根本非常非常非常似鳗鱼，食落口令你分辨唔出佢系一个素嘅炒饭。估唔到呢个餐厅走嘅路线都几创新，唔会只系局限于中菜方面嘅素食。呢间餐厅除咗食物质素好之外，佢哋对于环保又不遗余力。佢哋推出素食就系为咗减少屠杀动物，减低碳排放，为我地嘅地球作出一份力量。而且佢哋仲会将星期三嘅部份收益作慈善用途