影片
更多
2010-05-14
64 浏览
朋友生日, 因为有小朋友, 所以拣左pizza, 谂住小朋友一定岩食 小朋友一黎到, waiter好醒目咁拎左个儿童餐menu俾我地, 虽然一个小朋友餐要$78, 不过我地都无叫到, 因为呢个小朋友乜都食, 唔驶特别叫小朋友餐除左儿童餐menu, waiter仲俾左张贴纸同图画簿俾佢, 张贴纸仲有英文教学, 小朋友见到超开心! 如果都唔岩, pizzaexpress仲有汽球, 带小朋友黎食真系唔怕搅佢唔掂! 讲番是日晚餐, 我地四个大人叫左个家庭餐, 包一个面包头盘, 一个沙律, 一个意粉, 一个pizza, 四杯野饮, 两个甜品, 四大一细应该唔够食, 所以后尾叫多左个pizza焗面包球: 做左功课, 见到人人赞, 所以弃蒜蓉包叫左焗面包球, 一黎到, 小朋友好钟意食, 酱汁有三种, 应该系牛油, 槛榄, 酸甜, 一口一个既面包球是几好, 但我觉得未算好好味, 大部份小朋友食左, 所以我只试到配牛油, 牛油就好像牛油面包一般正常, 有机会再试其他汁吧 蜜糖鸡肉沙律: 餐系无写明可以叫几贵既沙律意粉, 其实系餐牌上既都可以叫, 所以叫贵d既系抵d的 跟餐系无面包球的, 散叫先有, 始终
小朋友一黎到, waiter好醒目咁拎左个儿童餐menu俾我地, 虽然一个小朋友餐要$78, 不过我地都无叫到, 因为呢个小朋友乜都食, 唔驶特别叫小朋友餐
除左儿童餐menu, waiter仲俾左张贴纸同图画簿俾佢, 张贴纸仲有英文教学, 小朋友见到超开心! 如果都唔岩, pizzaexpress仲有汽球, 带小朋友黎食真系唔怕搅佢唔掂!
讲番是日晚餐, 我地四个大人叫左个家庭餐, 包一个面包头盘, 一个沙律, 一个意粉, 一个pizza, 四杯野饮, 两个甜品, 四大一细应该唔够食, 所以后尾叫多左个pizza
焗面包球: 做左功课, 见到人人赞, 所以弃蒜蓉包叫左焗面包球, 一黎到, 小朋友好钟意食, 酱汁有三种, 应该系牛油, 槛榄, 酸甜, 一口一个既面包球是几好, 但我觉得未算好好味, 大部份小朋友食左, 所以我只试到配牛油, 牛油就好像牛油面包一般正常, 有机会再试其他汁吧
蜜糖鸡肉沙律: 餐系无写明可以叫几贵既沙律意粉, 其实系餐牌上既都可以叫, 所以叫贵d既系抵d的
跟餐系无面包球的, 散叫先有, 始终系沙律, 鸡肉比较少, 是"鞋"的鸡肉, 蜜糖唔系煮鸡的, 只是沙律的汁, 配料仲有茄子, 沙律菜会是有味菜, 所以如果唔受得的话呢个沙律应该食唔到, 个汁几好味, 加上少少杏仁片之类, 我觉得几好
茄汁海鲜意粉: 几多海鲜, 有虾, 青口, 鱿鱼等, 反而意粉好快食晒, 食到最后只得海鲜, 可见𩠌既份量, 海鲜几新鲜, 虾 & 青口不霉, 好味
parma pizza: 因为去完欧洲, 所以叫呢味用parma ham既pizza怀念一下, 喜欢佢既薄饼底+原size ham, 薄薄既饼底但啖啖肉, 很好味
芝士是另一杀著, 用左两只芝士 (一只普通芝士, 一只水牛之士) 既pizza, 好配合parma ham既咸味, 推介
轻盈烟三文鱼pizza: 追加的pizza, 另有一款唔轻盈的, 对过menu, 唔轻盈既最大分别应该系多左一样芝士, 而轻盈的则加左露荀
黎左之后, 相信轻盈仲多左一样, 就系多左沙律系中间, 而中间放沙律圆位是cut左的
烟三文鱼好味, 但无parma ham咁配芝士, 露荀同相差很远, 而且焗完干到唔系好认得系露荀, 轻盈反而令到此pizza不伦不类
贵族朱古力: 用杯装住雪糕, 朱古力蛋糕同脆条, 朱古力蛋糕几好味, 雪糕无甚特别, 感觉好似缺少甚么似的, 几样野擦不出火花
芭乐菲果挞: 受menu吸引而叫的, 饼底系焗挞, 上面则有香蕉, 杏仁片, 配焦糖同酒, 最后再加忌廉芝士系面
因为焗既关系, 所以香蕉有少少㶶, 反而香味重左, 饼底好脆, 比pizza饼底更好味, 焦糖同酒焗后更香, 全个配合起黎非常好味, 赞!
其实我地有小朋友都几嘈下, 难得waiter们service都几好, 又送汽球又送贴纸, 抵赞
如果食厌左pizza hut既朋友, 或者想试下其他除左"至尊"呢d食惯晒既pizza, pizzaexpress可能满足到你
张贴
