利寶閣 (已結業)

咁大个仔都未喺呢度食过野，听讲系老牌酒楼，咁岩经过奥海城，又想食中菜，就嚟呢度试下啦。我地一行二人叫咗两个餐，一个系带子皇鱼扒餐，另一个系豚肉叉烧配佛跳墙。呢个set由头食到尾都只系188，认真超值。亮点有二，个带子好大粒，系要用刀叉食既，而个汁其实系西汁，类似烧汁啦，都夹既；而个鱼并唔系出面茶记食嘅鱼柳，食得出系真鱼起肉整既，先走走油再淋汁，外脆内软，算系高质而且大份。荷叶饭都好好食，唔只系有味既饭咁简单，食下食下都有唔少料，虾呀鸡肉呀，我真系唔明点解呢个系一人份量，净食个饭都够饱。仲有个菜同乳鸽。另一个餐系豚肉叉烧饭跟佛跳墙，叉烧原旧无切既，好吸引，半肥瘦，唔会好似快餐店咁咬落去一丝丝会摄牙。跟埋㶶边流心蛋，食落去系感动，蛋汁豉油汁捞饭加埋旧叉烧，绝对可以慰藉到放工寂寞既心情。另外个佛跳墙既卖点系足！料！大家有眼睇唔驶我多讲。最后食埋个糖水就好美满啦。