魔膳廚房 (已結業)

观塘工厦出咗名多隐世餐厅，但呢间魔膳厨房有大约二百几好评，而且见到星期六下午系假日自助午餐，每位只系$88，我同女朋友迫不及待冲上去。一如工厂区既餐厅一样，魔膳厨房面积非常大，楼底亦非常高。墙身挂上一排排嘅酒瓶、得意嘅画作。整体以暗色为主。呢张dog boss系我最钟意！自助午餐既选择多，有女友钟意嘅瑞士鸡翼，肉嫩又入味。仲有我钟意嘅烟肉芝士焗西兰花，西兰花稔软程度啱啱好，厚厚嘅芝士铺系西兰花上面，真系非常正！意粉亦值得推介。意粉系鸭胸蒜香意粉，鸭胸非常大件，煎得非常香，意粉嘅蒜味亦够，不偏不倚。自助餐有两款汤选择，我钟意饮南瓜汤，女友又钟意饮罗宋汤，餐厅一次过满足晒我同女朋友嘅要求。甜品方面，我拣咗两款迷你酥加面包布甸，三款味道都唔错，尤其是吉士忌廉酥，香脆酥皮配上甜甜嘅忌廉，令人有种食完一个再食一个嘅感觉。自助午餐仲附送一杯饮品。我个杯冻玫瑰咖啡嘅造型犹如餐厅嘅名字一样，俾人一种充满魔力既感觉。充满玫瑰味咖啡非常香，又唔会太甜。女友就选择热苹果红茶，可以帮助消化，我地食食下原来每人都差唔多食咗六七碟大约$200左右就可以食到超饱，真系好抵！