濟州燒肉食堂

营业中

休息中

依期有铺烧肉瘾，所以又去咁揾烧肉食。今次就去咗北角汇嘅济洲烧肉食堂。估唔到成场爆满，好在刚刚有食客离座，如果唔系真系有排等喇。我同朋友点咗济洲烧肉套餐。套餐有特算黑毛和牛上具身肉、黑毛猪五花腩、和牛烧、壶渍牛肋骨、大红虾同墨鱼。另外仲配有人参鸡汤或薯仔排骨汤。套餐仲附有前菜同沙律。沙律、芝士同泡菜蛋浆仲系免费无限添加添吖。黑毛猪五花腩同算黑毛和牛上具身肉有用酱料腌好，肉有吸收到酱汁嘅味道，所以烧完都好香好好味。和牛烧就当然唔需要调味啦，咁靓嘅肉，一烧好就已经牛味浓油花香。大红虾同墨鱼亦好新鲜，烧好后依然爽口弹牙。而一定唔可以错过嘅就当系壶渍牛肋骨啦。原条嘅牛肋骨，以壶渍嘅方法腌好，不过又真系好长，所以最后都系剪开为两段嚟烧。烧好嘅牛肋骨肉又香又惹味，无得弹。食完烧肉，再饮返几碗人参鸡汤。虽然上枱都一段时间，但食完烧肉，人参鸡汤依然系暖嘅。人参鸡汤都相当足料，半只大大只嘅鸡，仲有粟子等配料。人参味好香，再加上浓浓嘅鸡味，再食埋依半只鸡，真系饱到郁唔到喇。