原汁原味

营业中

休息中

原本想去附近一间人气食店，但比想像中仲要多人排队，肚饿既我地即刻放弃😢，改战另一场地。几经考虑，就拣左哩间出名小菜同笼仔饭既原汁原味😛。原笼金银蒜蒸龙趸球饭 $90一上枱蒜味🧄就超香，望落去劲吸引。食落啲米粒粒分明🍚，索左啲鱼味🐟同蒜味既精华，再加上淡淡荷叶既清香，非常惹味。鱼肉都弹牙同滑，系有少少腥😖，不过都接受到。土鱿蒸肉饼饭 $88 跟餐加冻柠茶 $8佢嘅饭同样系粒粒分明🍚，不过冇咗蒜味嘅衬托，就冇咁重口味。但我钟意佢嘅豉油，淡淡地增加到饭嘅香味，又唔会太过抢味。佢嘅土鱿🦑系切粒放面，味道唔算系好突出，不过肉饼就岩岩好。肉饼🐷完全系真材实料，唔会好似坊间有啲咁沟咗粉或者其他嘢，啖啖肉感🤤。午市黎讲好似有啲偏贵，但试过就知道份量好充足，细食既朋友完全可以两个人share一个饭，而且真材实料👍🏻，老火汤又好饮，绝对抵食。可惜明明系午市旺场嘅时间，但都系得两三枱客，希望大家好好支持良心店舖💛。