農耕記 湖南土菜 (東港城)

营业中

休息中

星期五收工同朋友去左东港城行商场，商场有好多餐厅都食过，正愁紧唔知食咩既时候，一间招牌好抢眼既餐厅映入眼帘，正是食湖南土菜既农耕记，原汁原味既店舖装修令食客有身历湖南既感觉！打开菜单，样样野食都好吸引，我地好快就拣到食咩野！第一样先黎个蒜蓉粉丝虾仁，作为打头阵既菜式冇得输！第二道菜叫左招牌湖蝶鱼，简单既芹菜炒鱼，已经好好食👍🏻！第三道菜叫大碗花菜，味道正常！第四道菜叫蒜蓉蕃薯叶，本身已好钟意食蕃薯叶，一见到有依个菜式立即叫，谂都唔洗谂，好有镬气，略为美中不足既就系太多油，如果可以少番啲油，成道菜就更加perfect!最后一道菜就系果木脆皮烤鸡，个人觉得咁多道菜入面最钟意食既一道，烤鸡皮脆肉嫩，没有一丝鞋既感觉，加上果木香配料，真系好食到爆！食得湖南土菜依啲咁浓香既菜式点可以唔饮野，鲜榨既香水柠檬茶，茶香柠浓，一啖菜一口茶，真系冇得弹！值得一赞既系店员既服务态度都好好！推荐各位朋友仔一试！