車仔麵之家

营业中

休息中

怀念车仔面，随著连锁店餐厅侵霸香港车仔面店越黎越少，做得好嘅更少，近排返湾仔，听闻呢间车仔面最出名，点都要试下。铺头地面得企位，大多数人都选择买外卖慢慢叹。丫姐落单速度奇快，建议排队前谂好食乜，因为丫姐会系差唔多15秒内搞掂一碗，基本你企到系门口位排已经问你要咩面底，有大中小拣，可以就住当日有几肚饿而决定。配料亦有好多选择，我今次叫左油面，白萝卜，大肠，鱼蛋&牛腩。白萝卜煮得够林又甜，外面好多都煮到苦哂，大肠系干净冇腥味，洗得够彻底。本身清汤系牛腩汁加白萝卜汤，我就叫汤加左辣，佢辣酱有沟过甜酱，口味几特别，唔会死辣，食落更香口。我叫左大油面底，4个𩠌，都系54蚊，饱到上心口，好满足。