影片
更多
2017-08-03
489 浏览
夏日炎炎，仍然不阻香港人对打边炉嘅热爱。尖沙咀最近开左一间新餐厅，叫黄记煌，主打焖锅再打边炉。我地实在孤陋寡闻，原来呢个饮食集团早系大陆打响名堂，什至有六百几间分店，依家终于系香港开分店。座位与座位之间十分阔落，完全唔会有果种四周围都系油烟嘅感觉。黄记煌主打三汁焖锅，滴水不加，只靠食物本身嘅水份同酱汁，用焖烧方法将所有材料焖熟。过程大概十五分钟，全程会由店员帮手烹调，食到咁上下就再加入汤汁打边炉。我地选择左自选锅，可以选四款食材，我地拣左安格斯牛小排、牛肚、虾同埋石斑鱼柳。酱汁方面就点左招牌咸鲜汁。所有食材用一个红色「六宝盒」送上，估唔到嘅系底层嘅蔬菜有咁多，仲有少量药材，好彩食落去就无乜药材味。店员先将放入底油抹均，以防黐底，再加入西芹、甘薯、红萝卜、洋葱、杞子、红枣等等蔬菜。我地自选嘅肉类同海鲜类就铺面，密麻麻地铺满整个锅，对两个人黎讲份量相当多，非常抵食。铺好食材之后，再撒上胡椒、酒、香料等等，盖上锅盖，慢慢焖十分钟。焖到咁上下，店员就过黎加入特制酱汁，酱汁十分稠密，不过食落又唔算太重口味。怕浓味嘅朋友可以选择海鲜咸鲜汁，喜欢辣嘅朋友就要试下佢地嘅麻辣酱汁，据说好香口。材料煮好后
座位与座位之间十分阔落，完全唔会有果种四周围都系油烟嘅感觉。黄记煌主打三汁焖锅，滴水不加，只靠食物本身嘅水份同酱汁，用焖烧方法将所有材料焖熟。过程大概十五分钟，全程会由店员帮手烹调，食到咁上下就再加入汤汁打边炉。我地选择左自选锅，可以选四款食材，我地拣左安格斯牛小排、牛肚、虾同埋石斑鱼柳。酱汁方面就点左招牌咸鲜汁。
所有食材用一个红色「六宝盒」送上，估唔到嘅系底层嘅蔬菜有咁多，仲有少量药材，好彩食落去就无乜药材味。
店员先将放入底油抹均，以防黐底，再加入西芹、甘薯、红萝卜、洋葱、杞子、红枣等等蔬菜。我地自选嘅肉类同海鲜类就铺面，密麻麻地铺满整个锅，对两个人黎讲份量相当多，非常抵食。
铺好食材之后，再撒上胡椒、酒、香料等等，盖上锅盖，慢慢焖十分钟。焖到咁上下，店员就过黎加入特制酱汁，酱汁十分稠密，不过食落又唔算太重口味。怕浓味嘅朋友可以选择海鲜咸鲜汁，喜欢辣嘅朋友就要试下佢地嘅麻辣酱汁，据说好香口。
材料煮好后，就食得喇！一开盖，整个锅嘅食物热辣辣又冒晒烟，都几吸引。个人特别中意牛肚，煮得入味又有咬口。至于甘薯亦都一样，软焾焾十分好食。
建议大家几多三五知己一齐食，我地两个人食个焖锅已经食到好饱，加完汤用黎打边炉只系再叫得落一碟蔬菜拼盘。值得一提系个酱汁再加完汤用黎打边炉都几特别，系出面食唔到嘅汤底。金菇吸收晒汤汁，一流。如果个肚仲有空间，叫碗白饭或者乌冬应该都好正。
另外我地点左一壶银菊露。银菊露唔会好似出面啲火锅店咁一味死甜，似返真正嘅凉茶。店员系一旁帮手烹调嘅时间都算长，不过亦都可以顺便倾下计。原来黄记煌同许留山依家系同一间公司，所以呢度亦有提供许留山嘅甜品，用料等各方面都同许留山一样。
食到好饱，都要叫食返啲甜品。我地叫左久违嘅芒之恋。芒果小丸子、芒果芦荟爽同芒果糯米滋，全部都系熟悉嘅味道，为呢餐画上完美句号。
张贴
