影片
更多
2024-08-25
647 浏览
搞咩搞到火烛？上次食启德嘅”越男仔”比较似food court格局，虽然啲嘢食已经吸引好多目光。但今次嚟到沙田店，既然Menu更多选择，就拣一啲更吸引目光嘅嘢😂 - “原只太平烧鸡”。原只太平烧鸡 $188 - 视觉效果够晒震撼，今次唔止附近嘅枱，差唔多全店嘅人都望过嚟😂。当店员倒了酒后，一点火，真系好夸张…跟住店员就会拎去切。味道上佢系饮宴嘅炸子鸡升级版。除咗有专属嘅酱汁，咬落去嘅脆皮仲会渗出南乳味，非常浓郁美味。唯独要留意份量相当多，我哋最后要打包😅。三色檬纸卷拼盘 $138 - 呢个由三文鱼、牛炸酱、手撕鸡组成嘅六件装纸卷，咬落去味道同清爽兼备，做开胃菜又得，填下个肚又得。落埋酱汁，更胜一筹。越式生虾沙律5只 $128 - 原本只系想当普通沙律前菜，点知原来嚟到咁大份。咁我心谂都冇嘢啦，五只虾啫，生虾沙律可以有几饱肚？生虾本身新鲜大只，但原来真正嘅核心系个虾头度，佢唔只系炸，仲酿咗好多料入去原本好多虾膏嘅虾头度。所以味道丰富之余都几饱肚。椰香漏漏啡 $31 - 其实就系滴漏咖啡，个底系有甜嘅椰汁，所以最后捞埋一齐系有甜味。不过个人认为个椰汁味道可以再浓啲。今次嚟到沙田店”越男仔”
上次食启德嘅”越男仔”比较似food court格局，虽然啲嘢食已经吸引好多目光。但今次嚟到沙田店，既然Menu更多选择，就拣一啲更吸引目光嘅嘢😂 - “原只太平烧鸡”。
原只太平烧鸡 $188 - 视觉效果够晒震撼，今次唔止附近嘅枱，差唔多全店嘅人都望过嚟😂。当店员倒了酒后，一点火，真系好夸张…跟住店员就会拎去切。味道上佢系饮宴嘅炸子鸡升级版。除咗有专属嘅酱汁，咬落去嘅脆皮仲会渗出南乳味，非常浓郁美味。唯独要留意份量相当多，我哋最后要打包😅。
三色檬纸卷拼盘 $138 - 呢个由三文鱼、牛炸酱、手撕鸡组成嘅六件装纸卷，咬落去味道同清爽兼备，做开胃菜又得，填下个肚又得。落埋酱汁，更胜一筹。
越式生虾沙律5只 $128 - 原本只系想当普通沙律前菜，点知原来嚟到咁大份。咁我心谂都冇嘢啦，五只虾啫，生虾沙律可以有几饱肚？生虾本身新鲜大只，但原来真正嘅核心系个虾头度，佢唔只系炸，仲酿咗好多料入去原本好多虾膏嘅虾头度。所以味道丰富之余都几饱肚。
椰香漏漏啡 $31 - 其实就系滴漏咖啡，个底系有甜嘅椰汁，所以最后捞埋一齐系有甜味。不过个人认为个椰汁味道可以再浓啲。
今次嚟到沙田店”越男仔”，比较有越式气氛，周围都贴咗越南嘅相同画，仲有以前领导人嘅相。另外服务员亦都非常殷勤，我觉得今次有惊喜，绝对值得再嚟！
张贴
