吟

营业中

休息中

朋友搬左新屋去元朗，兴祝佢上楼就请佢食餐好！上网见到呢间吟食烧板烧好似唔错咁，佢都满意就订左位！决定食铁板烧版本既厨师发板装潢浓浓既日本风，座位都几阔落！海胆拼蚝，两样我最中意既野，蚝肉肥美鲜甜，加埋海胆简直人间美食，伴碟有北海道栗米，清甜爽口！只带子好大只，外层煎到微脆，一边配烟肉火腿，鲜甜既带子加上火腿既咸香味道更上一层次！另一边配上柚子胡椒，比火腿更浓味，柚子胡椒辣得黎几清新，反而更加taste带子既鲜味！龙虾爽口弹牙，用上海胆酱汁而成，味道浓郁鲜香！不得了焦糖多士，将砂糖烧熔再粘上面包条，会令到外层有一层脆皮，超好味，甜甜地，内里系松既口感，正！吞拿鱼脑天，用火枪烧香，非常嫩滑和珍贵！大大的鱼头只有小部份脑天，所以感觉超正。鹅肝多士，鹅肝好肥美又厚实，油脂丰富又邪恶，多士都好香脆，旁边仲配有菠萝沙冰解油腻！甜甜酸酸咁好味！铁板烧既ending一定唔少得一碗炒饭，系牛肉炒饭，配料十分多，炒得非常惹味！朋友都觉得十分满足！下次黎元朗探佢一定会再黎食！