日本野 (已結業)

👧🏽：今晚食咩呀~👩🏻：日本野啰👧🏽：边间日本野呀👩🏻：上次食mini Friday隔离个间啰👧🏽：喔~ 咁即系边间呀👩🏻：XYZXYZXYZ「日本野」主打多款日本料理，有石烧牛、丼饭、炒饭、锅物、串烧、寿司、刺身等等。餐厅装潢简约，以浅木色为主调。两人枱偏细，枱与枱之间距离唔算太远，如果坐到卡位，会较为舒适。指定晚餐 奉送汤/沙律、咖啡、茶或汽水一杯，仲可以追加小食。▪️和牛寿喜烧 $198和牛大大片，有一定厚度，肉质唔柴有牛味，不过就有少少筋位。虽然和牛只有两块，但都算几大大大块，成块塞晒入口都几满足！锅入面都有唔少配料，有金菇、白菜、大葱等等，每款都索满甜甜地既寿喜烧汤汁。仲有几旧好滑既豆腐。寿喜烧可选配饭或乌冬，乌冬都算弹牙，不过小心唔好煮咁耐煮到淋晒呀。▪️温泉蛋和风烧牛肉丼 $168笃穿温泉蛋个下真系好治愈~烧牛肉偏柴，略嫌七味粉落得有啲多，盖过左牛香。超流心既温泉蛋 蛋味都几浓，捞饭一流。饭底亦充满牛汁，成个丼饭食落都几湿润，唯独牛肉较为失色。▪️芝士年糕 (2件）+$28晚市套餐追加小食！就点左近乎每次见到都会嗌既芝士年糕~ 即叫即炸热辣辣，金黄香脆。外层炸皮薄脆，内里满满流