影片
更多
2018-10-07
209 浏览
去大角咀做完嘢7点几,一路行返旺角方向睇下有乜嘢好嘢食.行到攰嘅时候,咁啱经过呢间舖头,侍应亲切咁样招呼我哋入去,就顺下佢意啦~入到去先发现有啲唔妥.我本身个人好怕热,呢间舖头虽然有冷气,但系冇大门,又唔觉有风闸.即系就算有冷气都会走晒出街,而且咁啱唯一嘅卡位又喺正门口位.系自己拣嘅,冇计唯有拿拿林食完走人啦.啱啱坐定都未睇餐牌,侍应就走埋嚟问我哋食乜,咪话谂一阵先啰.过咗30秒左右,同一个侍应又走埋嚟问食乜,我哋都系搭同一句,重复咗三次.到最后我哋决定咗,同另一个侍应落单话要油泡田鸡,佢竟然问我乜嘢油泡田鸡.我点知道呀,餐牌咁写我咪咁读啰-_- 我话我唔知,佢就变咗一碌木头咁企喺度,又唔走又唔跟进,虽然只系dead air咗几秒,但就好似过咗一世纪.最后我唯有坚持我要油泡田鸡,佢终于肯落单,呢个到底系乜嘢玩法!!!另外我哋仲叫咗罗定豆豉爆鸡,好彩佢无问我罗定豆豉系乜嘢,唔系我拍枱走人都似.因为热辣辣,餐厅又唔自动自觉畀水,叫2杯水叫咗成世先至到因为唔系套餐,分开叫咗一个汤,系粟米萝卜鸡脚汤,价值十蚊鸡.汤比较浓味,鸡脚都唔少,萝卜味好出,粟米又好甜,质素唔错,值番呢个价钱.野食嚟得好
行到攰嘅时候,咁啱经过呢间舖头,侍应亲切咁样招呼我哋入去,就顺下佢意啦~
入到去先发现有啲唔妥.我本身个人好怕热,呢间舖头虽然有冷气,但系冇大门,又唔觉有风闸.即系就算有冷气都会走晒出街,而且咁啱唯一嘅卡位又喺正门口位.系自己拣嘅,冇计唯有拿拿林食完走人啦.
啱啱坐定都未睇餐牌,侍应就走埋嚟问我哋食乜,咪话谂一阵先啰.过咗30秒左右,同一个侍应又走埋嚟问食乜,我哋都系搭同一句,重复咗三次.到最后我哋决定咗,同另一个侍应落单话要油泡田鸡,佢竟然问我乜嘢油泡田鸡.我点知道呀,餐牌咁写我咪咁读啰-_- 我话我唔知,佢就变咗一碌木头咁企喺度,又唔走又唔跟进,虽然只系dead air咗几秒,但就好似过咗一世纪.最后我唯有坚持我要油泡田鸡,佢终于肯落单,呢个到底系乜嘢玩法!!!
另外我哋仲叫咗罗定豆豉爆鸡,好彩佢无问我罗定豆豉系乜嘢,唔系我拍枱走人都似.
因为热辣辣,餐厅又唔自动自觉畀水,叫2杯水叫咗成世先至到
因为唔系套餐,分开叫咗一个汤,系粟米萝卜鸡脚汤,价值十蚊鸡.汤比较浓味,鸡脚都唔少,萝卜味好出,粟米又好甜,质素唔错,值番呢个价钱.
野食嚟得好慢,好彩鸡煲系热辣辣嘅,上枱𠮶阵仲有啫啫声.随手用筷子撩一撩,见到虽然好多鸡,但系转弯位好多,真正系肉嘅份量就好少.而且鸡肉又老又鞋,油冧冧得嚟又干净净㖞,干到系大力一压就会断嘅地步,感觉似汤渣.
油泡田鸡煲就相对好啲,有蘑菇,韭黄,葱头做配菜,无头先𠮶煲咁油腻.田鸡比较大只,所以虽然系够晒大啖啖肉,但系肉质比较老,滑就系唔滑㗎喇,但起码冇咁干先吖,比较容易入口.不调味调得咸咗啲,油同盐轻手少少会好啲.
张贴
