豊勝手丼 (已搬遷) 新店位置

都有一段时间冇食日本野啦，本来特登一个人嚟到啲一间位于铜锣湾广场第二期附近充满日式装修嘅丼饭店谂住食个丼饭，点知一入到去俾佢嘅烧鱼炉发出嘅香味吸引左，一于就来个烧鱼定食先！盐烧鲷鱼定食由于烧鱼系即叫即烧嘅，所以店员就首先送上前菜沙律同埋味增汤。北寄贝沙律新鲜味美俾人清爽嘅感觉，食得出一粒粒北寄贝的。味增汤热辣辣，都很唔错㗎！至于烧鱼方面，用盐烧带出咗鱼嘅鲜味，烧得很刚刚好很有层次，外脆内软很Juicy，连鱼肚都系咁好食，配埋佢嘅特制酸汁，配搭得非常之好，推介！鱼皮烧得非常完整，成条鱼烧得好似艺术品咁靓，食得出同睇得出师傅有日本人那一种对待食物嘅认真态度。信州苹果梳打最后要左支日本直送嘅信州苹果梳打，梳打气量刚刚好，再加埋一啲苹果嘅味道，为完美嘅一餐画上完美嘅句号。