NENE CHICKEN (青衣城2)

营业中

休息中

平时都系叫开外卖，见青衣城新开，就去试下。一入到去，被安排坐二人枱。虽然有胶板隔住，但同隔离枱都好近，又逼。我哋见窗边有四人枱无人坐，我哋就问职员可唔可以调位。职员话唔可以，因为有人book咗，但系当时门口无任何人排队😅，不过唔得就算啦。过咗5分钟，有个高级职员埋黎，话订咗位嘅客人未到，如果我哋可以准时交枱，都可以帮我哋调位。于是，我哋就即刻调去四人枱。落单嘅时候，餐厅话未有酒牌，所有酒精饮品都冇😅 最后我哋只系嗌左一碟炸鸡。食炸鸡冇酒饮，真系争啲⋯⋯味道正常，不过唔系热辣辣⋯⋯我谂去其他分店，会做得更好。