力天冰室

营业中

休息中

作为一个土生土长嘅香港人，间唔中去下港式冰室简直系指定动作。 何文田呢间冰室系用清新嘅蓝绿色作为主色，都几吸睛🤩，入面位置几多，不过都差唔多坐满，店员们亦非常忙碌。入到去二话不说，梗系嗌番个常餐先啦🤭。其实除左常餐，仲有好多款中式小菜可以拣，而且价钱都好亲民，系真。茶餐厅价格👍。❤3.6牛乳炒蛋拼肠仔， 炼乳丹麦多士炒蛋真系落左好多牛奶，食入口滑嘟嘟，可以直接滑入喉咙😋。肠仔系用左我最喜欢嘅厨师肠，微微煎过好香口。 丹麦多士比一般茶餐厅多士更加松软酥脆，加埋炼奶真系邪恶又好味呀😜。❤仿鲍鱼丝火腿通粉通粉份量都唔少，系比较厚身有嚼劲嘅。上面有非常大量嘅火腿丝同鲍鱼丝，几足料。❤招牌沙茶牛肉面公仔面硬度啱啱好，非常挂汤。汤底又够浓味，牛肉好大块而且系滑同腍嘅，系味道唔错嘅一碗招牌牛肉面。❤冻华田随餐附送嘅饮品都几大杯。整体黎讲，食物质素唔错，一个常餐50蚊唔驶，系好抵食嘅🏅。