影片
更多
2022-08-08
147 浏览
上星期喺荃湾误打误撞入咗间唔系咁起眼嘅西餐厅，入到去估唔到竟然有平时少见嘅威灵顿牛柳食🤩 我自己不嬲都好钟意呢道菜式，竟然呢间小店都有，仲要味道唔错，就同大家介绍吓啦🤪一坐低，首先奉上一篮餐包，各式各样嘅欧包配上佢呢度独有嘅黑松露牛油😗 而当中有只包好软熟，搽上溶溶哋嘅牛油食，好味到想encore😋蟹饼系呢度嘅signature，紧系要试吓！蟹饼非常厚身，外层包住脆脆哋面包糠，切开入面蟹肉超多😳 多嘅程度应该似系用咗成只蟹去整，真正嘅真材实料！人生食过咁多次意大利粉，第一次听会用西洋菜作为主要食材放入一个意粉入面🤣 好奇心驱使我哋嗌咗呢只意粉😗 原来都ok，蒜片同榄油都炒到好香，西洋菜好爽口，唔会有苦味🙌🏻终于到威灵顿牛柳上场啦🥰 店员细心咁帮我哋切开几份，牛柳好粉嫩，食落软腍冇根，带住淡淡嘅黑松露香味，外皮焗得够酥脆，估唔到小店都有咁高质嘅威灵顿牛柳食😋 最后由甜品心太软作结，不过上到嚟个流心已经穿咗漏咗啲出嚟🤣 但都唔影响个味道，食落朱古力流心非常幼滑，配埋云呢拿雪糕，冰火交融，正🤤总括而言，呢间小店都几值得推介，嘢食质素中高以上，威灵顿牛柳制作复杂，三百零蚊食到性价比认真唔错😗
餐包
16 浏览
0 赞好
0 留言
V8经典蟹饼沙律
$148
27 浏览
0 赞好
0 留言
蟹饼系呢度嘅signature，紧系要试吓！蟹饼非常厚身，外层包住脆脆哋面包糠，切开入面蟹肉超多😳 多嘅程度应该似系用咗成只蟹去整，真正嘅真材实料！
蒜片·榄油·西洋菜配意大利扁面
$108
21 浏览
0 赞好
0 留言
黑松露威灵顿牛柳
$348
22 浏览
0 赞好
0 留言
心太软配云呢拿雪糕
$68
12 浏览
0 赞好
0 留言
总括而言，呢间小店都几值得推介，嘢食质素中高以上，威灵顿牛柳制作复杂，三百零蚊食到性价比认真唔错😗 而且店员服务非常贴心，仲会同我哋吹下水，系间感觉充满人情味嘅西餐厅👍🏻
张贴
