九丁目燒肉料理

营业中

休息中

同食肉兽朋友仔食饭，要满足佢，梗系多肉少菜啦，谂左一轮，走左去食烧肉，谂起都流口水。揾左呢间九丁目，舖面阔落，好似坐得几舒服㖞！好，坐低睇下有咩好食先。太多款式，选择困难，拣二人餐唔系烦。牛油果紫菜沙律，开胃前盘，牛油果香软。主角黎啦，啲和牛望落去都好平均，全部都系嫩嫩粉红色，唔同部位，呈不同雪花。十胜和牛肉眼，肉质松软，油花分布均匀，入口柔软嫩滑。鹿儿岛A5和牛西冷，牛腰后端，因为运动唔到，油脂丰富，热溶岀黎油脂鲜甜。蕯摩鸡腿肉，本身唔系好鸡肉既我，都要赞呢旧鸡肉，鸡有鸡味之余，肉质充满弹性。食到咁上下，店员贴心问使唔使上个饭，梗系好啦！温泉玉子紫菜饭，食住烧肉，有暖笠笠既饭，肚仔好舒服。珍宝元贝，超级厚肉，店员帮我地剪开连壳慢慢烧，元贝新鲜爽甜。龙虾尾，一条龙虾尾，我地一人一半都好有肉，烧到红卜卜，用筷子一挑，整旧肉岀左黎，浓郁海鲜果，结实嘅肉质，正！最后仲有雪糕做甜品。